R3T0S M4T3M4T1C0S!! bota contas!!

Dende o departamento de Matemáticas organizaron durante todo este mes de novembro un concurso aberto a todo o alumnado de ESO e BAC baixo o lema de “R3T0S M4T3M4T1C0S”

A actividade consiste na resolución dunha serie de retos que están depositados na biblioteca no interior dunhas carpetas. Cada carpeta está ubicada sobre unha urna para cada un dos niveis educativos repartidos en tres categorías:

CATEGORÍA 1: 1º e 2º ESO

CATEGORÍA 2: 3º e 4º ESO

CATEGORÍA 3: BACHARELATO & CICLOS

Debes coller unha copia do reto asignado ao teu nivel, completalo e cando remates introducilo na urna que che corresponda.

O último día de recollida dos traballos presentados será o martes 30 de novembro. A que esperas? Aceptas o R3T0????

Concurso da Biblioteca

Co gallo do Día das Bibliotecas – 24 de outubro – xa está en marcha un novo concurso organizado pola nosa “biblio”e dirixido a todos os alumnos e alumnas de ESO.  As bases colgan do soporte que ten Tintin, están aquí neste blog e as teñen igualmente os vosos profesores de galego e castelán.

Anímate e participa, haberá recompensa para os mellores traballos!!!.

Terceiro premio de pancartas no Correlingua 2015

A decimoquinta edición do Correlingua celebrouse o pasado 6 de maio en Lugo cun grande éxito de participación. Máis de 1.300 estudantes  da zona centro da provincia  e da Montaña, e mesmo de Vila de Cruces e Melide se xuntaron na cidade amurallada para  defender a lingua galega. Ademais da tradicional carreira, posteriormente, nun acto celebrado na Praza de Santa María, desenvolvéronse varias actividades como a entrega de premios do Concurso de Pancartas e Animación.

  Foron  premiados co terceiro premio neste certame de pancartas, os alumnos e alumnas do noso centro, cunha fermosísma pancarta elaborada polo alumnado de 4º de PDC, dirixidos pola súa profesora Lola Chaos.

PARABÉNS!!

ACHÉGASE O NADAL…

 

BASES DO CONCURSO:

1. Poderán participar 6 alumnos matriculados en relixión, por curso e  grupo.
2. Non se poderán empregar área, terra.  herba, pedras…
3. Valorarase o uso de materiais reciclados, o sentido crítico, a imaxinación e a orixinalidade.
4. Os beléns faranse no comedor a partir do martes, día 16, sempre e cando os profesores den permiso para baixar.
5. PREMIOS. Haberá dúas categorías:
   1. PRIMEIRA CATEGORÍA: 1º, 2 e 3º da ESO (2 PREMIOS)
   2. SEGUNDA CATEGORÍA: 4º de ESO e 1º e 2º de bacharelato (2 PREMIOS)
6. O resultado do concurso farase público o día 19 de decenbro ás 14 horas.

¡GRAZAS POLA VOSA PARTICIPACIÓN!

OS PAIS QUE O DESEXEN PODEN ACHEGARSE  O VENRES AO CENTRO,  PARA VISITAR OS BELÉNS.

CONCURSO DÍA DAS BIBLIOTECAS 24 OUTUBRO

Co gallo do Día das Bibliotecas (o vindeiro 24 de outubro, aínda que o prolonguemos toda a semana) continuamos  unha pequena actividade concurso, xa feita en cursos precedentes.

 

 

• ¿Que é para ti a biblioteca? (dar unha definición da mesma a través dun texto en galego ou castelán)
• Crear un lema para a biblioteca ( en galego ou castelán, com imaxe ou soamente texto)

 

          Os traballos pódense presentar a man, ordenador, cor, blanco e negro, en soportes variados, etc. Damos unha certa flexibilidade, pero o ideal sería que fosen entregados entre o 21 e o 28 de outubro, aos profesores de garda de biblioteca nos recreos.

 Os mellores traballos terán recompensa en forma de premios.

Cartel “DÍA DAS BIBLIOTECAS”

PARABÉNS ÁS GAÑADORAS!

Parabéns as alumnas de 3º de ESO Alba García Rodríguez, Nerea Sobrado Folgueiras, Olga Roda Sangil, e Anloiry Pérez Brito  que foron as gañadoras do segundo premio no V CERTAME ESCOLAR CONTRA A VIOLENCIA DE XÉNERO, convocado polo Concello de Sarria. A obra presentada levaba por título STOP Á VIOLENCIA DE XÉNERO.  Na fotografía collida da web do Concello, podemos velas no momento da entrega do premio.

CHEGA O NADAL AO XOGRAR

CONCURSO DE CARTEIS SOBRE O CINE EN FRANCÉS

Neste último trimestre do curso mezcla de idioma e “séptimo arte” para o alumnado de Francés. Foi co gallo do concurso de “Affiches” que a Asociación de Profesores de Francés de Galicia organiza anualmente. No 2012 foi coa música como temática, desta volta co cine como eixo. Diversos alumnos de 2º, 3º e 4º da ESO, así como de 1º e 2º de Bacharelato tomaron parte nel, resultando seleccionados tres ( como marcaban as normas do concurso), correspondentes a Susana Fernández García (3º ESO A), Melina Iglesias Valcárcel (1º Bacharelato A) e Antía López Pérez (2º Bacharelato A). Ditos traballos foron enviados a Santiago para fomar parte dunha exposición no marco dunhas xornadas formativas de profesores.

V CONCURSO ESCOLAR DE FOTOGRAFÍA DIXITAL E CURTOMETRAXES

Co gallo do Día Internacional da Muller  Traballadora, que  se celebra o vindeiro 8 de marzo, informámosvos dun concurso organizado polo Centro de Atención á Muller do Concello de Sarria. Atoparedes neste blog a ficha de inscripción e as bases do concurso.

Anímate e participa. Lembra que na edición do 2011 resultou gañadora unha alumna que actualmente cursa estudos de 2º de bacharelato no noso instituto.2013

 

Bases do Certame

Ficha de inscripción

GAÑADORAS DO CONCURSO DO DÍA DA BIBLIOTECA

Botou o xurado e xa temos gañadores do noso concurso co gallo do día da Biblioteca, celebrado o pasado 24 de outubro.  Lucía Pombo obtivo un total de 38 puntos, resultando gañadora. A segunda clasificada, con 31 puntos, foi Ana Pérez, correspondéndolle a Leticia López, con 18, o terceiro posto.

Noraboa as gañadoras e grazas a todos pola participación. Podedes ver aquí oas tres primeiros traballos e unha foto das tres estudiantes, as tres por certo de 2º ESO B.

 

EU SON A BIBLIOTECA

 

Agardo en silencio a túa visita, nos meus andeis

reposan centos de libros, cada un deles alberga gran

sabedoría. Mergúllate neles.

Son como unha gran fiestra cos ollos abertos ao

mundo, no meu interior agóchanse grandes segredos.

Vén  descubrilos.

Son como unha árbore chea de pólas, cargadiña de

froitas capaces de nutrir o teu maxín e transportarte

a lugares tan remotos ós que xamais imaxinaches

chegar.

Polas miñas veas corre sangue con sabor a historia, a

arte, a literatura, a ciencia, a música… Son a cultura

feita papeis.

Necesítote preto de min, sen ti son coma unha planta

sen luz, coma unha orquestra sen son.

Tal vez nun futuro non moi lexano, sexa o teu nome o

que apareza escrito nun dos meus libros.

                                                                                      Lucía Pombo 2º B