“¡Contra viento y marea!”: 25N con Emilia Pardo Bazán

Este ano quixemos homenaxear á escritora Emilia Pardo Bazán no seu centenario e quixemos facelo da man de AnaBelén Durán (Lingua Castelá) e Begoña Arias (Plástica) inaugurando unha pequena exposición o día 25 de novembro para recoñecer a importancia que a autora e os seus escritos tiveron nesta loita contra a violencia de xénero.

Unha loita que ela comezou cando aínda case non existía o feminismo en España. Ela reivindicou a igualdade, reclamou leis que non abusaran da muller, defendeu o divorcio, denunciou a violencia en tódalas súas manifestacións (social, cultural, económica, familiar, doméstica, estética e psicolóxica), reivindicou a educación como solución e destapou a brutalidade á que as mulleres estaban sometidas. Falou de ” mullericidios” e retratou o medo e o abandono das vítimas que só acadaban algunha protección na soliedaridade das súas amigas e veciñas. Esas vítimas pertencían a todos os estamentos, reproducían moitas veces casos reais que a autora coñecía e tiñan nome propio. Ela berrou por elas na ficción, unha ficción simbólica na que se representan eses ” marcos do patriarcado” que, como di a crítica actual , ela comezou a mover.

A exposición foi realizada con obras orixinais do alumnado 4 ESO de Educación Plástica cunha técnica rompedora, o pop-art. Representacións que buscan a ruptura de todo tipo de moldes que Emilia Pardo Bazán levou a cabo na súa vida e na súa obra. Ela ” moveu os marcos”, co seu lema era ” contra viento y marea; oxalá nós poidamos derrubalos!!

Regueifando na biblio: obradoiro de improvisación oral con Sara Marchena

Á proposta do Servizo de Normalización Lingüística do centro, desenvolvéronse dúas xornadas vibrantes e sonantes vencelladas ao coñecemento da regueifa e da improvisación oral gracias a Sara Marchena, coñecida regueifeira e profe no centro.

A rapazada de 1º de ESO puido poñer en práctica as súas aptitudes e botamos boa conta que non se lles daba nada mal!!

Todo un privilexio poder contar coa xenerosidade e o entusiasmo de Sara nesta fantástica actividade.

BELEZA NO REFUGALLO: APRENDER DO REUTILIZAR

Durante estas últimas dúas semanas, o alumnado de 2º ESO C estivo a traballar na materia de Xeografía e Historia nun proxecto moi interesante: coñecer a arte medieval a través da reutilización do plástico.

Estudaron e investigaron a técnica bizantina do opus tesellatum (mosaico de teselas) a partir dos mosaicos de Xustiniano I e a emperatriz Teodora que están situados na igrexa de San Vitale de Rávena, en Italia.

Tomando estas referencias, e coa axuda dunha plantilla, recolectaron todo o refugallo de plástico de artículos que foron consumindo e recortárono en forma de teselas que logo foron colando na propia plantilla.

O resultado é impresionante como podedes ver. Este traballo pasou a formar parte do proxecto de centro que está a desenvolver a Vicedirección, no ámbito do programa “Generación Eco”

R3T0S M4T3M4T1C0S!! bota contas!!

Dende o departamento de Matemáticas organizaron durante todo este mes de novembro un concurso aberto a todo o alumnado de ESO e BAC baixo o lema de “R3T0S M4T3M4T1C0S”

A actividade consiste na resolución dunha serie de retos que están depositados na biblioteca no interior dunhas carpetas. Cada carpeta está ubicada sobre unha urna para cada un dos niveis educativos repartidos en tres categorías:

CATEGORÍA 1: 1º e 2º ESO

CATEGORÍA 2: 3º e 4º ESO

CATEGORÍA 3: BACHARELATO & CICLOS

Debes coller unha copia do reto asignado ao teu nivel, completalo e cando remates introducilo na urna que che corresponda.

O último día de recollida dos traballos presentados será o martes 30 de novembro. A que esperas? Aceptas o R3T0????

Outono neghro: se cae a noite tápate cun libro!!

Para estas datas tan escollidas nada como aprovisionarse de leña e un bo libro… chega a choiva, caen as follas, a noite chega antes e sen avisar: ven o outono neghro!!

Deste xeito, na biblioteca démoslle carrete ao maxín e escollimos unha serie de libros vinculados co misterio, o terror, o suspense e algo que dá máis medo que nada: o deterioro medioambiental no noso planeta.

Por cada préstamo que colleras do set de “Outono neghro” levabas unha lambetada de balde para ir a unha atración de medo de verdade: o teu / a túa dentista!!

BIBLIOFESTA!! (II): (re)celebrando o noso día coa actividade “Ler a cegas”.

O pasado luns 25 de outubro continuamos coas actividades para conmemorar o Día das Bibliotecas. Coa data xa vencida, decidimos facer unha actividade máis práctica e reflexiva: “Ler a cegas”

A acción consistiu en traballar arredor dalgúns prexuízos (positivos e negativos) sobre os libros que foron emitidos polo alumnado nos últimos dous cursos. A través de distintas consignas, propúxoselle ao alumnado que encetase unha serie de libros forrados en papel de xornal. Dese xeito, o/a lector/a entraba “a cegas” á lectura do libro e puido ter, na maior parte dos casos, unha experiencia que contradecía ou neutralizaba o contido e o sentido da consigna.

Unha acción moi estimulante para non esquecer que cada lector/a ten unha relación particular cos libros e a lectura.

BIBLIOFESTA!! (I): celebrando o noso día coa actividade “Sálvame”.

O pasado venres 22 de outubro arrincamos as actividades para conmemorar o Día das Bibliotecas que se celebra todos os anos o 24 de outubro. Este ano decidimos artellar dúas actividades: unha antes da efeméride e outra despois.

Nesta primeira actividade, decidimos aproveitar os cambios que estamos a facer na biblio para expoñer os magníficos traballos e deseños relacionados co mundo do libro e da lectura que o noso alumnado foi facendo os últimos cursos e que estaban custodiados enriba dos andeis.

Co nome de “Sálvame”, expusemos todos os traballos no patio cuberto do centro e invitamos a todo o alumnado a escoller dous para seren conservados un pouco máis na nosa biblioteca.

A vosa resposta foi, coma sempre, marabillosa e puidemos desfrutar dos traballos e desta actividade con moita diversión!!

Graciñas a Sonia polas imaxes!

CONEXIÓN MEDIEVAL: O IES Xograr Afonso Gómez loce a exposición sobre o trobador Martín de Pradozelos

O pasado 18 de outubro, abrimos as portas do noso centro á exposición didáctica sobre un dos primeiros trobadores da lírica medieval galego-portuguesa, Martín de Padrozelos.

Para a inauguración contamos coa presenza de Luís Celeiro Álvarez (coordinador do traballo e presidente de APECSA) quen nos introduciu na órbita do mundo medieval e resaltou a importancia do Mosterio de Samos como eixo vertebrador da cultura desta época. Asemade, neste acto de apertura, tivemos ocasión de escoitar a creación literaria da nosa alumna, Carla López Celeiro, vencellada familiarmente á terra natal louzarina de Martín de Pradozelos.


Ata o día 26 toda a comunidade educativa do Xograr poderá gozar desta exposición no Salón de Actos do Centro.

Non deixedes de visitala!