Arquivo da categoría: ACTIVIDADES 14-15

21 de maio – Día da Diversidade Cultural

Quizás cociñar foi unha das ferramentas mais recorridas neste tempo de confinamento, que pouco a pouco vaise flexibilizando. O pasado xoves 21 de maio foi o día dedicado á Diversidade Cultural, o Diálogo e o Desenvolvemento. Consideramos que era bo saber doutras gastronomías a través do noso alumnado. Por iso, contando coa colaboración do noso orientador Jose Regueiro e da nosa Profesora de Pedagoxía Terapéutica María Celada, artellamos esta singular acción a través das voces de Angie Karina   e Jannatul.  Queres coñecer cousas das cociñas de Colombia e Bangladesh? Antes de nada pon o delantal e…logo escoita.

https://drive.google.com/file/d/1MpuLO5A1tr8Q0QU1jK6NUQDdHUeg2Xbn/view?usp=sharing

 

 

Deixar un comentario

Arquivado en ACTIVIDADES 14-15, CURSO 2019-2020

Semana das Letras Galegas 2020- Ricardo Carballo Calero – Achega 7 – Domingo 17 de maio

É domingo. Remata a semana..e tamén ese percorrido singular que polas Letras Galegas 2020 fixemos neste blog. Desta volta, lembrando de formas moi diversas, a senlleira  figura do intelectual ferrolán Ricardo Carballo. Un traballo que foi posible grazas a toda a comunidade educativa do noso centro escolar. Ponlle o epilogo con esta reflexión (e a suxestión de mergullarse no vídeo complementario) a docente Lola Chaos.

Pra vós a verdade,

pra min a beleza;

pra vós o conceito,

e pra min a verba…

Carvalho Calero

VERBAS DE AUTENTICIDADE

(ACOMPAÑADAS DUN BREVE RECORDATORIO EN VÍDEO)

Don Ricardo Carvalho Calero non foi home de falar de si mesmo. Mais as súas verbas ecoan a día de hoxe a través da súa familia, das súas amizades, daqueles que o acompañaron no labor profesional, dos seus discentes e de toda persoa que se achegue dun xeito ou doutro a súa inxente obra.

A súa gramática , a súa  historia da literatura son de obrigada consulta para todo o profesorado da materia de lingua galega, referentes que marcaron  a historia lingüística e literaria de varias xeracións, pero as súas verbas auténticas atopámolas na mensaxe literaria, tanto nas novelas A xente da Barreira como en Scórpio. A súa autenticidade percorre os versos de Cantigas de amigo e outros poemas até Reticências , onde a tráxica dor de ser un dos “malditos” transloce no eu lírico e desacouga ao lector atento.

No seu epistolario cos de sempre, atopamos as razóns e respostas de moitas preguntas que aínda moitos no presente se formulan. Consérvanse numerosas cartas de Carvalho e os seus contemporáneos na Fundación Penzol e tamén nos arquivos do Parlamento de Galicia. Pouco a pouco van saíndo a luz. Algunhas por fin publicadas neste ano carvalhés.

De xustiza tamén é abeirarse as verbas  escritas na prensa por Carvalho Calero  ou por calquera dos seus heterónimos.  Pode ser que tamén aí descifremos a incógnita do seu pensamento. Convén non esquecer que Carvalho Calero sufríu as intrigas e  o isolamento do que el mesmo chamaba humorísticamente  “o holding”, o poder académico. E hai raíces tan fondas nese pequeno gran universo  que , o seu incondicional amigo Jenaro Marinhas dicía “estou certo que non imos para a mesma romaría”.

Este ano, a trinta anos da súa morte , a conmemoración das Letras galegas na súa honra recae en nós e non hai mellor xeito de honra que LER A CARVALHO CALERO. Non é unha opción, é unha obriga para para os bos e xenerosos que a nosa voz entenden!

                                                                                                                                             Lola Chaos

VISIONAR

https://www.youtube.com/watch?v=4aK5TxaZv14

      

Deixar un comentario

Arquivado en ACTIVIDADES 14-15, CURSO 2019-2020

Papel e lapis

Dende a biblioteca do Xograr, a vosa “biblio” non queremos estar alleos a este tempo no que o teletraballo permítenos non perder o contacto coa aprendizaxe e seguir avanzando na nosa formación. Por iso o equipo que forma BiblioXograr considerou achegar aos poucos accións que, unha vez rematados os deberes que tedes que ir facendo de cada unha das vosas respectivas materias, ocupen o voso tempo en cousas consideradas produtivas e interesantes.

Imos empezar pola escritura. É un bo momento para darlle forma a esas ideas que pasan pola túa cabeza e darlle forma de poesía, relato, artigo, ensaio, etc. Ten en conta estes sinxelos consellos de matices que debes evitar a toda costa:

  • Impoñerse a un mesmo o deber de ser xenial
  • Querer demostrar a túa valía e ambición dicindo demasiadas cousas
  • Non caer na conta de que nun relato o que non suma, resta
  • Non terminar de aceptar que eliminar é tan importante que engadir
  • Iniciar un texto sen saber moi ben o que se quere narrar e de que forma
  • Desprezar a importancia dun desenlace que bote luz sobre o narrado e xustifíqueo
  • Esquecer a funcionalidade de cada palabra e cada frase en relación co que desexamos comunicar.
  • Contentarse con contar a historia sen darlle un toque persoal
  • Como ben sabes, poñerse demasiado transcendental non é bo.
  • Considerar que existen fórmulas para facer un bo relato.

Así que, colle papel e lapis ou prende o ordenador e….

Deixar un comentario

Arquivado en ACTIVIDADES 14-15

Segunda sesión do Clube Lector “O Xograr Lector”

Amena, divertida, productiva, interesante. Arredor de “Long Play”, o singular libro do escritor lucense Lois Pérez, que nos deleitó cos seus poemas cantados e a súa singular guitarra.

Unha serie de fotos  nos permiten lembrar esta enriquecedora segunda reunión.

Deixar un comentario

Arquivado en ACTIVIDADES 14-15, ACTIVIDADES CURSO 2018-2019

Levando a biblio afora…

..na  nosa de aparcamento para bicicletas, cun típico e moi axeitado aforismo latino

 

 

Deixar un comentario

Arquivado en ACTIVIDADES 14-15, ACTIVIDADES CURSO 2018-2019

Biblioteca inclusiva

Además das cousas que se adaptan ás directrices da Biblioteca Escolar Inclusiva, se trata dunha colaboración directa con Departamento de Orientación. Así, pese a noso espazo limitado, preparamos no interior da biblioteca fondos e materiais diversos para o alumnado con necesidades educativas específicas, alumnado estranxeiro, titores e titoras, etc. Nela, como podedes ver na foto que acompaña este post, hai lecturas adaptadas, libros de intelixencia emocional, material variado para titorías, guías de animación a lectura, material para dinámicas de grupos, etc. O comentamos neste blog e o faremos chegar vía carta personalizada a todos os titores  e profesores de apoio egrupo específico para que fagan uso dil. Grazas polo colaboración.

 

Deixar un comentario

Arquivado en ACTIVIDADES 14-15, ACTIVIDADES CURSO 2018-2019

COMPRENSIÓN LINGÜÍSTICA EN LINGUA ESTRANXEIRA E….UN POUCO DE COCIÑA

Recta final do curso con actividades variadas, que buscan máis ben o apartado lúdico. Este luns 18 de xuño tocou lectura en lingua francesa….na cociña que hai xunto á cafetería e o almacén. Tratábase de ler e comprender unha sinxela receita da cociña gala e poñerse posteriormente mans…á obra, mellor dito mans…aos fogóns.

Deste xeito os alumnos de 1º de Bacharelato que cursan Francés-2 fixeron os coñecidos Croque-Monsieur, un emparedado con xamón cocido, xamón serrano, nata, ovo e queixo raiado. E ademáis de degustalos eles mesmos invitaron a profesores, persoal non docente do noso instituto e alumnado a que os probaran. Non quedou ni un, co cal podemos entender que estaban bos…ou que se fixeron poucos. Deixamos unha foto dos voluntariosos “cuisiniers et cuisinières”, da bandexa co resultado e, por suposto, da receita.

 

Deixar un comentario

Arquivado en ACTIVIDADES 14-15, Curso 2017-2018

Interesante traballo sobre Mª Victoria Moreno….

,,feito polos nosos alumnos de 3º da ESO, guiados pola docente Almudena Falcón Folgueiras.

Podedes velo no seguinte enlace

https://docs.google.com/forms/d/e/1FAIpQLScSTIQ8l-liSrTC2WvOukhPFL7F2OJCEfnswoaIoh-LSqfJhg/viewform

Grazas a Almudena e aos estudiantes xograrinos polo esforzo

Deixar un comentario

Arquivado en ACTIVIDADES 14-15

Ledicia Costas o mércores 16…

na terceira reunión do noso Club Lector, que xirará arredor do seu libro ” Jules Verne e a vida secreta das mulleres planta”. Desta volta trasládase a actividade á Casa da Cultura de Sarria, o vindeiro mércores 16 ás 15h30. Ali vos agardamos. Non esquezades coller o libro na biblioteca para lelo

Grazas…e boa lectura

Deixar un comentario

Arquivado en ACTIVIDADES 14-15

Concurso de Francés

Concurso “Cherche ton français

 

Bases

  • 1) Dirixido a todos os cursos ( dende 1º ESO a 2º de Bac)
  • 2) Prazo de entrega: Do 1 de abril ao 1 de maio ( os traballos entregaranse aos profesores Rosa Mª Porto Paz e Miguel Cumbraos Álvarez)
  • 3) Os traballos presentaranse en un tamaño A4 (papel, cartón, cartolina, outros materiais), en cores ou branco e negro. Admítense presentacións a man, ordenador, collage, etc)
  • 4) Entregarase un premio por curso, é dicir un total de 6 premios se hai alumnos dos seis cursos indicados. En caso de que non houbese o departamento valoraría a posibilidade de dar máis dun por curso. Igualmente o traballo será considerado como traballo voluntario na nota final da materia
  • 5) Realizarase unha exposición con todos os traballos. Igualmente farase unha simbólica entrega de premios e a foto dos gañadores xuntos aos seus traballos saira nos soportes informáticos do centro, en Radio Xograr e na revista Aqui e Agora
  • 6) Cómo facer?
  • Opción a) Fotografiar algo que esté escrito en francés en Sarria, Samos, Triacastela, Lugo, Monforte…Facer un pequeno texto explicativo cos coñecementos de francés que se teñan en función do nivel que se curse.
  • Opción b) Buscar un “document authentique”(publicidade, información sobre un alimento, instrucións dun aparato, dun producto, etc) que veña en francés. Acompañalo dunha pequena explicación co francés que se saiba.

 

Deixar un comentario

Arquivado en ACTIVIDADES 14-15, Curso 2017-2018