25 de Novembro

Non podíamos esquecer na biblioteca esta data tan sinalada e necesaria. Por iso, dun xeito ou outros colaboramos nas diversas accións que tiveron lugar. Dunha banda o acto que desenvolveuse ese mesmo día no patio cuberto, coa lectura dun manifesto por parte do alumnado, así como da presentación dun mural elaborado por rapaces e rapazas de 4º da ESO na materia de Educación Plástica.

Igualmente nese acto, que repetiuse nos dous leceres existentes e sempre respectando as necesarias medidas sanitarias, tivo lugar a lectura de lemas elaborados por alumnos e alumnas, amosándose tamén no vestíbulo do edificio 1 o traballo realizado nas titorías, así como unha selección de libros coa igualdade como epicentro da súa temática.

Xuntamos diversas fotos, o manifesto lido, así como o enlace ao vídeo “ Morra o conto” realizado por alumnos e alumnas de 2º ESO, coordinados pola súa titora.

Manifesto 25N 2020

 

 

Lectura en familia

Estreamos unha nova sección na nosa biblioteca. Unha actividade que busca a lectura compartida no seo da familia.

Cada mes esta acción, que vai a ser coordinada polo profesor do equipo de biblioteca Jorge Marcos, presentaranos a un alumno ou alumna do centro lendo un libro adaptado para públicos diversos. A maiores, os protagonistas deberán facer un pequeno comentario sobre dita lectura e, a ser posible, ilustralo cunha foto de lectura conxunta.

Arrincamos en novembro con Alba Moral Bustelo, de 3º ESO A, que leu “ Kakfa y la muñeca viajera” de Jordi Sierra i Fabra. O membro da súa familia que tamén leu dito texto foi a súa nai, Laura Bustelo Fernández. Aquí tedes a reflexión feita por cada unha delas. Grazas polo aportación a Alba e a Laura. Agardamos que vos gustase o libro escollido.

“La humanidad y la empatía que el protagonista demuestra solo es comparable con la ilusión e ingenuidad de una niña que es capaz de pensar que las muñecas viajan, escriben y tienen carteros especiales para ellas.” (Laura Bustelo Fernández)

“La inocencia de una niña que creía que su muñeca era capaz de viajar y un hombre que tiene la ingeniosa idea de hacerse pasar por un falso cartero consiguen que la realidad supere la ficción. (Alba Moral Bustelo)

Novembro, mes da ciencia en galego

 

Remata o penúltimo mes do ano, neste curso tan singular. E atopamos un pouco de tempo e imaxinación para amosar fondos da nosa biblioteca e proporlle ao noso alumnado coñecer máis cousas. Para elo dispoñemos dun andel no corredor exterior da biblioteca, a carón da porta de saída da mesma. Alí atoparedes libros e, sobre todo, moito material multimedia, algo que nos tempos que corren son dun uso moi recomendable.

Agradecer ao departamento de Ciencias, e en especial a súa profesora Mª del Rocío Serrano Garrido, a colaboración prestada para a realización desta actividade.

Bo novembro, mellor ciencia

Semana da Música 2020

Co gallo da festividade de Santa Cecilia, patroa dos músicos, músicas e da música, buscamos facer unha actividade. Para elo, contamos coa axuda do Departamento de Música que nos proporcionou un decálogo. Dez cancións de épocas diferentes, de autores distintos e, sobre todo, de estilos moi dispares.

Queres escoitalas? Abre o documento e preme nas ligazóns que te permiten escoitar dez éxitos moi coñecidos.

Boa música, pois!!

Semana da Música 2020-Cancions

13 de novembro – Día das librarías

 

Difundimos os textos e os carteis que nos facilitaron dende a asesoría. “Tirando” das
nosas librarías, que tanto necesitan neste tempo.

 

Anímate e participa

 

Non tes nada que perder e, quizás, moito que gañar. Hai moitos concursos, certames, premios abertos á participación de alumnado, profesorado, persoal non docente, familias. Si queres saber cales están en vigor, cales son as súas características, o prazo de entrega e outras informacións consulta a carpeta de cor azul que está no exterior da biblioteca, sobre o moble que ten as revistas. Xa non serás o primeiro membro da comunidade xograrina que alcanza algún premio en convocatorias deste tipo.

Semana da Tradición Oral

Que segundo os calendario de actividades vencelladas á biblioteca ten lugar entre os días 2 e 8 de novembro. Coa colaboración dos departamentos de Castelá, Galego, Francés, Inglés e Latín propuxemos dar a coñecer Refráns, Proverbes, Aforismos, Proverbs… Aquí tedes o resultado.

O refrán do mes

Proseguimos esa actividade mensual que xa ven de cursos atrás e que coordina o Departamento de Normalización Lingüística e a profesora María Xosé López Castro. Desta volta pola circunstancias, menos achegas pero sempre interesantes. Arrincamos con outubro, agardando poder seguir mes a mes.

 

Nova sección

Nova sección

Cada curso buscamos dende a biblioteca do Xograr facer algún tipo de sección que sexa de interese para toda a nosa comunidade escolar. E buscamos tamén a variedade, para escapar da monotonía. Sección que coordina a docente de Ciencias Naturais, Sol Rodríguez. Antano foi “ o libro ou a película do mes” e desta volta a nosa intención era introducir a música, cunha achega mensual aproveitando as instalacións de Radio Xograr. Pero as especiais circunstancias do curso actual fixéronos cambiar de opinión e virar cara a arte. Así que, “ Algo máis ca un cadro” e a nova sección, que arrinca coa aportación doutro docente de Bioloxía e Xeoloxía, Xosé María Castro. Preme no documento e saberás moito máis da primeira obra pictórica do 2020-2021.

Algo máis que un cadro – Outubro 2020

Reordenando Historia

 

Unha das tarefas que está a facer a profesora Paula González Pavón, do equipo de biblioteca. Son moitos os fondos que tíñamos de Ciencias Sociais e cumpría reordenar, clasificar, catalogar, etc. Quedou listo o apartado que atinxe a Arte e agora estase co eido da Historia propiamente dita. Un dos cambios aplicados é a colocación de certas revistas vencelladas a esta disciplina no corredor exterior, na zona onde xa había revistas, como podedes apreciar na fotografía.