Categoría: CURSO 2019-2020
Actividades diversas, organizadas pola biblioteca ou vencelladas a ela, e por suposto, a noso centro escolar
Alumnos e alumnas ….moi lectores e lectoras
Cada vez que un curso escolar achégase a súa fin, dende a biblioteca do Xograr tentamos de ter un detalle co alumnado que levou máis fondos no período que vai de mediados de setembro a finais de xuño. Un pequeno agasallo en forma de libro por ser “os e as máis lectores e lectoras”.
Claro está que o que tíñamos norma de facer, dígase reunilos nun tempo de lecer na biblioteca, darlles a escoller un fondo e facer unha foto de grupo, non vai ser posible. Pero si que é viable é que eles e elas recollan a súa merecida recompensa na conserxería do Xograr no horario de mañá.
Parabéns, pois a Chaneli Bonilla Alcántara e Patricia Rodríguez Díaz (2º Bacharelato A), Érika Pérez Tallón (4º ESO B), Elma Carvalho Carneiro e David Ismael Fernández Campo (3º ESO A), Estefanía Camila García Pérez (3º ESO B), Carla López Celeiro e Estefanía López Valladares (2ºESO A) , Karla Johana Sosa Sendión (2º ESO B), Yago Rodríguez López (2º ESO C), Nerea López Moreno (1º ESO A), Gabriela María Lupu e Xabier Rodríguez Cabada (1º ESO B) e Myriam Montalbán Riera (1º ESO C). E, como non, que sigan lendo…a ser posible…moito.
Códigos QR para ler en soporte dixital
A Asesoría de Bibliotecas Escolares ven de facilitarnos máis ferramentas para seguir lendo, desta volta en soporte electrónico. Tedes neste post un total de 13 imaxes que fan referencia a cada un dos carruseis da plataforma “Elbe2”, da que forma parte o noso centro escolar. Cada unha delas contén un código QR que facilita o acceso á páxina web e permite achegarse a numerosas obras dixitais. É un bo momento de dar un paso máis e a través do teu teléfono móbil, libro electrónico, tableta, ordenador e aproveitar o tempo das vacacións que se aveciña. Ler é o que conta, descubrir outras formas de facelo, aínda máis nos tempos que vivimos, un reto no que non tes nada que perder…e quizás moito que gañar.
Radio Xograr pecha o seu terceiro curso de vida
Tríptico libros electrónicos
Acaba de saír do “forno” da túa biblioteca. Explicación de toda a nosa oferta en materia de libros electrónicos, unha ferramenta indispensable nos momentos que nos toca vivir.
Preme na ligazón e accedes directamente a el.
Folleto libros electrónicos 2020-2021
Agardamos que vos guste e vos animedes a descubrir este outro interesante sistema de lectura.
5 de xuño – Día do Medio ambente
5 de xuño. Día no que se recoñece ao medio ambiente. Nesta celebración fanse moitas cousas. Nos quixemos aportar o granito de area con esta completa achega que fixo o Departamento de Ciencias Naturais. Reflexión, consellos, un texto sobre as Aceas sarriás, e incluso a voz de dous locutores de Radio Xograr invitándonos a gozar de dito espazo. Trátase de facer conciencia para coidar o noso entorno, cousa que non todo o mundo fai.
https://drive.google.com/file/d/1UGeiR49kPUPL4lIyhpktVWq01j5fbafz/view?usp=sharing
Cine…de xuño…e de todo o curso
Entramos este luns en xuño, o derradeiro mes do presente curso escolar. E no eido cinematográfico, actividade que coordinou a profesora Mª Sol Rodríguez Rodríguez, pechamos o ciclo lembrando todas as suxestións cinematográficas que se fixeron dende o pasado mes de outubro. Grazas a todo o profesorado que a fixo posible.
21 de maio – Día da Diversidade Cultural
Quizás cociñar foi unha das ferramentas mais recorridas neste tempo de confinamento, que pouco a pouco vaise flexibilizando. O pasado xoves 21 de maio foi o día dedicado á Diversidade Cultural, o Diálogo e o Desenvolvemento. Consideramos que era bo saber doutras gastronomías a través do noso alumnado. Por iso, contando coa colaboración do noso orientador Jose Regueiro e da nosa Profesora de Pedagoxía Terapéutica María Celada, artellamos esta singular acción a través das voces de Angie Karina e Jannatul. Queres coñecer cousas das cociñas de Colombia e Bangladesh? Antes de nada pon o delantal e…logo escoita.
https://drive.google.com/file/d/1MpuLO5A1tr8Q0QU1jK6NUQDdHUeg2Xbn/view?usp=sharing
Semana das Letras Galegas 2020- Ricardo Carballo Calero – Achega 7 – Domingo 17 de maio
É domingo. Remata a semana..e tamén ese percorrido singular que polas Letras Galegas 2020 fixemos neste blog. Desta volta, lembrando de formas moi diversas, a senlleira figura do intelectual ferrolán Ricardo Carballo. Un traballo que foi posible grazas a toda a comunidade educativa do noso centro escolar. Ponlle o epilogo con esta reflexión (e a suxestión de mergullarse no vídeo complementario) a docente Lola Chaos.
Pra vós a verdade,
pra min a beleza;
pra vós o conceito,
e pra min a verba…
Carvalho Calero
VERBAS DE AUTENTICIDADE
(ACOMPAÑADAS DUN BREVE RECORDATORIO EN VÍDEO)
Don Ricardo Carvalho Calero non foi home de falar de si mesmo. Mais as súas verbas ecoan a día de hoxe a través da súa familia, das súas amizades, daqueles que o acompañaron no labor profesional, dos seus discentes e de toda persoa que se achegue dun xeito ou doutro a súa inxente obra.
A súa gramática , a súa historia da literatura son de obrigada consulta para todo o profesorado da materia de lingua galega, referentes que marcaron a historia lingüística e literaria de varias xeracións, pero as súas verbas auténticas atopámolas na mensaxe literaria, tanto nas novelas A xente da Barreira como en Scórpio. A súa autenticidade percorre os versos de Cantigas de amigo e outros poemas até Reticências , onde a tráxica dor de ser un dos “malditos” transloce no eu lírico e desacouga ao lector atento.
No seu epistolario cos de sempre, atopamos as razóns e respostas de moitas preguntas que aínda moitos no presente se formulan. Consérvanse numerosas cartas de Carvalho e os seus contemporáneos na Fundación Penzol e tamén nos arquivos do Parlamento de Galicia. Pouco a pouco van saíndo a luz. Algunhas por fin publicadas neste ano carvalhés.
De xustiza tamén é abeirarse as verbas escritas na prensa por Carvalho Calero ou por calquera dos seus heterónimos. Pode ser que tamén aí descifremos a incógnita do seu pensamento. Convén non esquecer que Carvalho Calero sufríu as intrigas e o isolamento do que el mesmo chamaba humorísticamente “o holding”, o poder académico. E hai raíces tan fondas nese pequeno gran universo que , o seu incondicional amigo Jenaro Marinhas dicía “estou certo que non imos para a mesma romaría”.
Este ano, a trinta anos da súa morte , a conmemoración das Letras galegas na súa honra recae en nós e non hai mellor xeito de honra que LER A CARVALHO CALERO. Non é unha opción, é unha obriga para para os bos e xenerosos que a nosa voz entenden!
Lola Chaos
VISIONAR
https://www.youtube.com/watch?v=4aK5TxaZv14
Semana das Letras Galegas 2020- Ricardo Carballo Calero – Achega 6 – Sábado 16 de maio
Seguimos avanzando con achegas diferentes nesta Semana das Letras Galegas. Aínda que é sábado, seguro que terás tempo e tempo para moitas cousas. Mergúllate nesta ligazón e poderás facer interesantes e diversas actividades. Ánimo!!!!