Arquivo da categoría: CURSO 2020-2021

Contidos do blog de Biblio Xograr durante o presente curso 2020-2021

2ª reunión do Xograr Lector

Paco Gómez anímavos a participar na segunda reunión do Club Lector “ O Xograr Lector”, que terá lugar o vindeiro mércores 19 de maio. Será pola tarde, ás 15h45 e no formato videoconferencia, como na primeira. Pero, vos preguntaredes: quen é Paco Gómez? pois o escritor do libro sobre o que imos falar, é dicir “Wattebled o el rastro de las cosas”. Preme no vídeo para escoitar as súas verbas e non te esquezas de pasar pola biblioteca e coller un exemplar dun libro que é doado de ler e te vai sorprender gratamente.

Deixar un comentario

Arquivado en CURSO 2020-2021

O cadro do mes

Desta volta o de maio, nesa sección que dende a biblioteca ofrecemos mes a mes bautizada como “Algo máis ca un cadro”. Quenda para o profesor de Relixión e membro do equipo da biblioteca Jorge Marcos quen aporta o seu. Jorge cóntanos moitas cousas sobre unhas das grandes obras do pintor catalán Salvador Dalí. Preme no documento en soporte pdf e atoparás pormenorizada a análise desta obra mestra da pintura española.

Deixar un comentario

Arquivado en CURSO 2020-2021

Mural de Lolita Díaz Baliño

Contando coa axuda da Area de Cultura da Deputación de Lugo e enmarcado dentro do proxecto “IlustrarNÓS”, o noso centro tivo acceso á realización dun gran mural, que xa decora unha das paredes exteriores do edificio 2. Foi realizado pola ilustradora-muralista Ana Santiso e representa a Lolita Díaz Baliño (1905-1963) , pintora coruñesa a quen se lle dedica o Día da Ilustración 2021. O mural, que busca darlle a Díaz Baliño o recoñecemento que non tivo no seu momento, é un retrato desta creadora, por certo tía do coñecido intelectual lucense Isaac Díaz Pardo, con elementos sacados das súas ilustracións. Recrea un pouco elementos nos que a artista coruñesa movíase e traballaba, como a costa da Coruña, a propia vila da Coruña ou o seu estudo. Nas fotos que acompañan este post podedes ver fases do proceso de realización que levou a cabo Ana Santiso no noso centro escolar.

Deixar un comentario

Arquivado en CURSO 2020-2021

Obradoiro con Xurxo Souto

Coñecido músico, animador, tamén profesor, o multidisciplinar coruñés Xurxo Souto está impartindo un interesante obradoiro no noso centro escolar. Dúas sesións nas horas de titoría cos grupos de 3º ESO A e C respectivamente dentro das actividades vencelladas ao noso Club de Letras. Baixo o título “ Educando, emocionando, musicando”, Souto aportou toda a súa sapiencia e creatividade nunhas horas nas que contou coa entregada colaboración do citado alumnado. Lembramos que cursos atrás este creador xa estivera no noso centro escolar, nunha sesión do Club Lector “ O Xograr Lector”, traballando arredor do libro “ A caza do ghazafello” e facendo as ledicias de todos os participantes

Deixar un comentario

Arquivado en CURSO 2020-2021

Día do Libro 2021

Unha das datas máis sinaladas durante o curso e nas actividades que se realizan de forma interdisciplinar. Deste xeito, un interesante vídeo promovido dende o departamento de Lingua Castelá, contando coa colaboración do departamento de Plástica e no que participaron alumnos e alumnas de 3º ESO e 2º de Bacharelato. Doutra, a presenza dos carteis oficiais que se nos enviaron dende Bibliotecas Escolares con lemas e imaxes moi significativas. Igualmente as suxestións lectoras que conformamos cos fondos Plambe 2020/2021 que van chegando ao noso poder e que se poden levar en préstamo. Sen esquecer tampouco a singular aportación do departamento de Ciencias Sociais, cunha curiosa mostra de lombos titulada “ a biblioteca da nosa vida” con achegas de alumnado e profesorado. Todo o vedes ben ilustrado nos documentos fotográficos e audiovisuais que xuntamos. Bo día do Libro 2021 pois!!!

Deixar un comentario

Arquivado en CURSO 2020-2021

Novo díptico da Biblioteca 2020/2021

Aquí tedes xa. Renovado, actualizado, con toda a información necesaria. Prema no documento e o podes descargar para saber así máis da nosa biblioteca.

Deixar un comentario

Arquivado en CURSO 2020-2021

Novos fondos na biblioteca- Plan de Mellora de Bibliotecas Escolares 2020-2021

Nos andeis do exterior da biblioteca xa tedes á vosa disposición os novos fondos que están chegando aos poucos para toda a nosa comunidade educativa. Son posibles grazas aos cartos que se concederon ao Xograr dentro do Plan de Mellora de Bibliotecas Escolares 2020/2021. De momento xa tedes libros de Relixión, Inglés, Francés, Ciencias Sociais, Ciencias da Natureza, Ciclo de FP, Plástica, Educación Física, Física e Química, Filosofía, Clásicas, Galego, etc. E seguirán chegando novos fondos. Date unha volta no tempo de lecer polo corredor que hai xunto á biblioteca e consulta eses fondos que, como ben sabes, podes levar en préstamo quince días. Boa consulta, bo préstamo…e mellor lectura.

Deixar un comentario

Arquivado en CURSO 2020-2021

Libros electrónicos

Como sabedes no noso centro escolar dispoñemos de 17 libros electrónicos. Soportes que vos permiten achegarvos á lectura dixital, con numerosos fondos, libros de lecturas obrigatorias, títulos doutros disciplinas. Preme no documento en pdf e terás a túa disposición o tríptico que te conta todo con máis detalle. Boa lectura…tamén en dixital.

Deixar un comentario

Arquivado en CURSO 2020-2021

Día Mundial da Saúde

O pasado martes 7 de abril, no Xograr conmemoramos o Día Mundial da Saúde. Así, o alumnado e o profesorado do Ciclo Medio de Atención a Persoas en Situación de Dependencia organizaron varias actividades que foron compartidas nas titorías dos catro cursos da ESO.

Este ano a OMS lanzou a campaña baixo o lema “Construir un mundo máis xusto e saudable” . Vencellado, realizouse un gran mural no patio exterior, leuse un manifesto e propúxose un reto consistente en realizar campañas de promoción da saúde ao ritmo da música. A primeira proposta xa foi compartida polo propio Ciclo: trátase dunha coreografía na que podemos ver o protocolo de lavado de mans da OMS ao ritmo da canción “Mambo Nª 5”. Búscase que este reto corra de aula en aula e sirva para promover a saúde entre os membros da comunidade educativa ademais de lembrarnos as medidas de prevención fronte á Covid-19.

Deixar un comentario

Arquivado en CURSO 2020-2021

O cadro do mes

Unha nova pintura, neste traballo colectivo que coordina a profesora Sol Rodríguez e que cada mes ten a achega dunha persoa da nosa comunidade educativa. Desta volta, é unha achega colectiva, feita polas catro profesoras do ciclo formativo de FP. Preme no documento en pdf para ver o que se nos oferta neste mes de abril. Boa lectura…pictórica!!!

Deixar un comentario

Arquivado en CURSO 2020-2021