Humilde aportación

… a que dende a biblioteca estase a aportar ao novidoso programa “ En bici ao Xograr, anímate a pedalear”. Loxística do tipo de libros de ciclismo dos nosos fondo, axuda fotográfica e video, difusión nos nosos espazos web, etc. Pero todo suma para avanzar nun proxecto interesante pilotado pola nosa “vice” Sonia e que está resultando todo un éxito. Co gallo do 3 de xuño, “Día Mundial da bicicleta”, presenza de autoridades locais e provincias, sorteo de diversos regalos, recoñecementos, etc. Unha singular “festa” que ocupou os dous tempos de lecer. Aquí deixamos algunhas fotos, así como os enlaces á repercusión en medios de comunicación.

https://www.elprogreso.es/articulo/sarria/xograr-es-pionero-unirse-plan-europeo-movilidad-sostenible/202106031329341506616.html?fbclid=IwAR13_CMcHfdYCn2oxABY2ox-qPtov11TCvZGKgKoSsoagpkpp4rqgbVyxBw

O Ies Xograr Afonso Gómez pioneiro na provincia no proxecto Stars

XIII Xornadas dos Clubes de Lectura

Hoxe venres 4 de xuño está tendo lugar a habitual reunión dos coordinadores dos Clubes de Lectura da nosa comunidade autónoma. Entre eles está “O Xograr Lector”, representado polo seu coordinador, o profesor de Ciencias Sociais Xosé Lois Gutiérrez Faílde.  Dita actividade formativa, que chega a súa edición número trece, ten lugar no Pazo de Congresos en Santiago de Compostela. Unha interesante forma de compartir e aprender todo aquelo que xira arredor desta forma de lectura en común.

Usuarios de números altos

…ou alumnos e alumnas que máis préstamos realizaron na biblioteca no actual curso 2020-2021. Os vedes posando nela, lugar que frecuentan. Foron agasallados cun detalle lector. Son Luis, Manuel, Derek e Otón, de 1º ESO; Mateo, Shaid e Dana, de 2º ESO; Yago, José Manuel, Uxía, Alba, Lucía ,Carlos, Pablo e Kevin (3º ESO); Janeth e Érika, de 1º Bacharelato.

Parabéns e eles e a elas…e a seguir lendo.

Taller de Grafiti

…que tivo lugar o pasado 28 de maio dentro das accións vencelladas ao “Club de Letras”. Marcos e Manu, integrantes de Concepto Circo, ensinaron ao alumnado de Plástica de 4º da ESO diversas estratexias de este arte tan vencellado aos espazos urbáns. As paredes do patio cuberto do edificio 1 et dos aparcadoiros de bicicletas do noso centro escolar quedaron decoradas con frases e imaxes relacionadas cos valores, nun traballo conxunto dos dous artistas e dos alumnos e alumnas da materia.

Algo máis ca un cadro

Actividade que puxemos este curso en marcha. E que permitiunos ir descubrindo moitas obras pictóricas que descoñecíamos. Grazas á profesora Sol Rodríguez, que coordinou esta acción, e a todos e todas que colaboraron, persoas da comunidade educativa do noso centro escolar. Preme no documento xunto para ver o resumo de todos os cadros dende outubro ata maio

Moita Xela…no Xograr

Non podía ser menos, pola relación que tiña a autora homenaxeada nas Letras Galega 2021 coa nosa vila de Sarria. Así, e dunha forma interdisciplinar, artelláronse no noso centro escolar numerosas actividades.

Meses atrás, Radio Xograr emitiu a lectura duns poemas significativos cando se soubo que sería a homenaxeada. Tamén, o noso IES dedicoulle unha das súas “rúas” no rueiro de mulleres que destacaron en eidos diversos, neste caso o corredor que vai cara á biblioteca, no marco do 8 de marzo. Tamén en marzo participouse no proxecto “ Aquela nena de Sarria” do colectivo “Egena”, no que tomou parte alumnado de ESO e BAC, e artellouse unha exposición de paneis con traballos realizados polo alumnado xograrino.

Xa máis enriba do 17 de maio, tanto antes coma despois, procedeuse a lecturas de poesía súa en diversas clases e niveis. Alumnado de 1º e 4º ESO participaron nunhas lecturas “on line”, xunto a o IES Castelao de Vigo, organizadas dende A Cidade da Cultura. Outras e outras protagonizaron parte do documental “Vencerse é cousa de se tratar” , sobre a vida de Xela que emitiu Televisión de Galicia (TVG).

Organizamos o proxecto colectivo intercentros sarriaos, coa colaboración do Concello de Sarria, “Camiños Literarios de Xela Arias”, finalmente realidade tras un adiamento por culpa de choiva. E xa no noso centro luciron diversos traballos creativos sobre os poemas da escritora sarriá, ampliando nun formato máis grande algúns deles.

E como o exterior do noso centro é un espazo tamén para amosar actividades, baile tradicional e moderno, por parte de alumnos e alumnas de 1º e 3º ESO, así como de 1º de Bacharelato. E non esquecemos a interpretación do poema “Des-concerto” musicado por “Écheoquehai”.

Podedes ver neste post diversas fotografías, así como premer no enlace que vos leva ao documental emitido pola nosa canle autonómica. Grazas a todos e todas pola colaboración nesta completa lista de actividades.

2ª reunión do Clube Lector “ O Xograr Lector”

De xeito telemático, alumnado, profesorado e o escritor Paco Gómez déronse cita durante case dúas horas no marco da segunda reunión do presente curso do “Xograr Lector”, o club lector do noso centro escolar. Falouse, comentouse, intercambiáronse opinións sobre o foto-libro “ Wattebled o el  rastro de las cosas”, do citado autor madrileño….con avoa por certo galega, de orixe coruñesa. Interesantes e aproveitados minutos de posta en común sobre unha historia singular onde recordos, fotografías e vivencias van xuntas da man