O vindeiro luns día 18 de marzo, con motivo da a celebración do Día da poesía, o escritor Miguel Angel Curiel desenvolverá no IES Xograr Afonso Gómez de Sarria un taller de poesía. Dita actividade literaria estará destinada a alumnos de diversos niveis e contará coa colaboración do profesorado de Linguas.
Esta actividade está subvencionada polo Ministerio de Educación, Cultura e Deportes, a través da Secretaria de Estado de Cultura, dentro do programa “Encuentros literarios en institutos de Educación Secundaria”.
Miguel Angel Curiel, de orixe estremeña pero nado en Alemaña en 1966, está fincado en Lugo. As súas principais obras son “Por efecto de las aguas”, “Un libro difícil”, “El verano”, “Mal de altura” e “Diario de la luz”. É posuidor de importantes premios literarios, como o San Juan de la Cruz, o Esquio ou o Tomás Salvador. Igualmente foi galardoado co XXIII premio de poesía José Hierro, convocado pola ” Universidad Popular de San Sebastian de los Reyes”.
BiblioXograr 