Etiqueta: SUXERENCIAS
9 libros de Eduardo Galeano
O día 13 deste mes de abril deixábanos o escritor uruguaio Eduardo Galeano, autor de “Las venas abiertas de Ámerica Latina”. Nos lectores electrónicos da nosa biblioteca, temos á vosa disposición estas 9 obras do autor.:
LAS VENAS ABIERTAS DE AMÉRICA LATINA.
DÍAS Y NOCHES DE AMOR Y GUERRA.
EL LIBRO DE LOS ABRAZOS.
LAS PALABRAS ANDANTES.
MEMORIA DEL FUEGO I – LOS NACIMIENTOS.
MEMORIA DEL FUEGO II- LAS CARAS Y LAS MÁSCARAS.
PATAS ARRIBA, LA ESCUELA DEL MUNDO AL REVÉS.
BOCAS DEL TIEMPO.
ESPEJOS, UNA HISTORIA CASI UNIVERSAL.
Estas obras foron publicadas orixinalmente por teleSUR baixo a seguinte dirección:
http://www.telesurtv.net/news/10-Libros-para-descargar-de-Eduardo-Galeano-20150413-0018.html
Deixamos, como breve mostra a Carta de Eduardo Galeano ao Señor Futuro, que nos fai reflexionar no Día da Terra:
UN MES (ABRIL) E UN LIBRO DE…
CIENCIAS
En formato de banda deseñada , propoñemos unha emocionante historia de aventuras artellada por diversas tribos , na que o seu autor, con certo rigor científico, fantasea sobre como debeu ser a existencia na Europa da Era Glacial.
O libro de física recomendado o mes pasado, como seguro que xa moitos e moitas sabedes, é xa un clásico da divulgación científica:
27 de marzo: DÍA MUNDIAL DO TEATRO
Moitas novidades para levar para casa!!!!
Estamos a recibir, catalogar e ofrecer moitas novidades que en materia de libros, atlas, cómics, Dvds, etc, están a ser adquiridas polos diversos departamentos do noso centro. Lembra que podes levalas para casa. Para iso mira os dous andeis que temos con ese material, unha deles enfronte do despacho de vice-dirección e a outra xunto á porta que da ao patio do edificio vello. Tan só tes que mirar todo o alí exposto e pasar pola biblioteca nos recreos.
Anímatee!!!
UN MES (FEBREIRO) E UN LIBRO DE….
EDUCACIÓN FÍSICA.
“A saúde dun país non se mide polo número de medallas olímpicas, senón polo número de persoas que practican deporte de forma regular, independentemente da idade que teñan.”
A suxerencia do mes pasado foi:
MÁIS COUSAS EN FEBREIRO
Avanza o mes máis curto do ano. Nembargantes está sendo un mes moi rendible no que atinxe ás actividades e cousas que viñemos facendo na biblioteca. Xa vos contamos noutra entrada todo o relacionado coa semana da Paz, tanto en texto, como en fotos e vídeos, co cal cumpre agora informar doutras actividades.
Continuamos coa nosa serie de libros por mes, o deste mes un texto de moito “ritmo”, do cal xa tedes o comentario no correspondente taboleiro de cortiza a carón da aula de informática. Falando de libros estamos nunha época do ano onde están chegando boa parte dos fondos que mercamos. Deste xeito novidades moi diversas están sendo colocadas nas diversas estanterías do pasillo, para que as podades consultar e se vos interesa levar en préstamo.
Como acontecerá en cursos precedentes, o tempo do recreo está sendo o momento elexido polos amantes dese deporte de tanta concentración chamado xadrez para desenvolver as súas partidas. Un torneo no que participan fundamentalmente alumnos de 2º e 3º ESO, e que ten reservada as mesas que habitualmente utilízanse para xogos didácticos e lectura de revistas.
Seguindo con feitos nos que a biblioteca está impricada, tivemos a honra de acoller a todo o alumnado de 6º de Primaria pertencente aos colexios de Samos, O Incio e Triacastela, así como o CEIP Frei Luis, da nosa vila de Sarria. Nun par de meses empezan o seu periplo pola ESO e quixeron coñecer o IES Xograr. Un das dependencias nas que estiveron un bo rato e onde escoitaron e preguntaron foi a biblioteca, onde coñeceron con detalle todo o que nela poden atopar como estudantes e membros da comunidade escolar.
Febreiro tamén é un mes onde se celebra unha data moi especial. Falamos do 14 de febreiro, que desta volta cae en sábado, e ainda por riba coincide co Antroido. O día dos Namorados supuxo poder ver o esforzo feito polos alumnos do Departamento de Latín, de 1º de Bacharelato, que realizaron un traballo baseado en citas clásicas relacionadas co amor. E tamén a posibilidade de deterse nunha sinxela exposición con libros en galego e castelán, poesía e prosa, todos eles vencellados directamente con dita celebración, que vai moito máis aló ca a difundida actividade comercial.
3L 4S3S1NAT0 D3L PR0F3S0R D3 M4T3M4T1C4S
Queremos propor ao alumnado de 3º de ESO unha lectura relacionada coas mates: EL ASESINATO DEL PROFESOR DE MATEMÁTICAS. Esta é a carta de presentación do seu autor Jordi Sierra i Fabra:
Suspendes as mates? Atravésanseche os problemas? Máis aínda (aínda que soe forte), ODIAS as mates?
Vale, non contestes, non é necesario. Eu, á túa idade, tamén o pasaba francamente mal con iso do 2 e 2. Porque, a ver, son 4 ou 22, eh?
O que pasa é que agora entendo que todo, todo, até os mates, pode ser un xogo se cho tomas como tal, sen o abafo dos aprobados e a necesidade de pasar curso e ter contentos aos teus pais. Mágoa que non o descubrise antes, á túa idade! Asasinar ao profe de mates non serve de nada. Poñen a outro no seu lugar e xa está.
Pero este libro é un xogo, un divertimento, está feito para que te rías (e sufras un pouquiño co misterio) e de paso poida que fágache mirar con mellores ollos as mates. Se aceptas un consello, trata de resolver os problemas a medida que os vaias lendo, non pases as páxinas sen máis. Encantarache ser o cuarto elemento xunto ao tres protagonistas da historia.
E cando acabes, dállo ao teu profesor de matemáticas. Se ten sentido do humor, tanto dará que sexa «un duro» ou «un brando», seguro que rirá e, se cadra, adopta os métodos do insólito profe desta novela.
Saúde, camarada.
Un profesor propón aos seus alumnos un xogo como exame para aprobar as matemáticas. O venres pola tarde, o profesor morre, pero, antes de falecer, comenta aos seus alumnos que o sobre que hai no seu peto indicaralles como buscar ao seu asasino. Non deben fallarlle…
Xa está dispoñible na biblioteca, tanto en formato tradicional (papel) como en lectores electrónicos.
UN NADAL PARA LER
Por fin chegou o último día de clase do ano!! Temos por diante un montón de días para recuperarnos do esforzo realizado durante este trimestre. É o momento de festas e celebracións familiares. Pero sempre quedará un rato para adicarlle á lectura. Por se non sabedes que ler, os Departamentos de Francés, Lingua Galega e Lingua Castelá fanvos as seguintes recomendacións:
Lecturas Nadal Castelá – Galego
UN NADAL MOZO E EN GALEGO
Velaquí unha selección de produtos feitos en galego (libros, discos, filmes…) ou ben que utilizan este idioma para a difusión e venda etiquetaxe, web…). Por suposto, existen moitos máis, pero nestas páxinas atoparedes unha pequena mostra da variedade da oferta que tedes ao voso alcance: en galego hai para todos os petos, para todos os gustos, para todas as idades, para todas as necesidades.
Esta guía de agasallos forma parte do programa «Nadal en Rede 2014», impulsado pola Rede de Dinamización Lungüística da Xunta de Galicia, e conta coa colaboración da Secretaría Xeral de Política Lingüística e mais da Dirección Xeral de Xuventude e Voluntariado.
Clica sobre a imaxe!
Tamén podedes enviar por correo electrónico fermosas postais en galego para felicitar o Nadal e o aninovo. Clica sobre a imaxe!
BiblioXograr 