Para festexar este día tan especial – que por certo ten unha orixe que non é puramente comercial – fixemos unha pequena exposición. Nela podedes atopar dende poemas de amor clásicos, poesías presentadas por alumnas e alumnos de 2º ESO, unha sinxela mostra de películas vencelladas a esta temática, así como libros de divesras literaturas ( española, galega, inglesa, francesa, italiana, etc) que narran historias de amor. Que vos guste!!
Etiqueta: San Valentín
ACTIVIDADES VARIADAS
Estes días de principios de febreiro dúas actividades variadas ofértanse na biblioteca. Dunha banda un xogo pedagóxico on line co gallo do día do Día Internacional do Cancro, 4 de febreiro, para tomar conciencia da importancia de cuidar a nosa saúde o máximo posible. E doutra, a semana próxima, unha completa exposición de libros e películas con motivo do 14 de febreiro, o día dos namorados.
Anímate e participa!!!
14 de Febreiro, día dos namorados
[kml_flashembed movie="http://w259.photobucket.com/pbwidget.swf?pbwurl=http://w259.photobucket.com/albums/hh281/biblioxograr/a4e5c5df.pbw" width="360" height="360"/]
A medida do amor é amar sen medida.
(San Agustín)
Se estás namorad@- doutra persoa, dunha idea, da música, da poesía, da natureza ou da vida mesma-, celébralo connosco!!
Que razón hai para que os namorados teñan como patrón a San Valentin?
Polo século III gobernaba en Roma o Emperador Claudio II, quen decidiu prohibir os matrimonios entre xoves, por considerar que os solteiros sen familia eran mellores soldados ó careceren de ataduras. San Valentín, sacerdote de gran prestixio, desobedeceu ó emperador, celebrando matrimonios en segredo. Segundo a tradición, ata o propio emperador estivo a piques de deixarse convencer pola vida e miragres do santo e convertérense ó Cristianismo. Ante a ameaza que supoñía para o imperio, San Valentín foi condenado a cadea e finalmente executado o 14 de febreiro do ano 270. Os restos mortais do santo consérvanse na Basílica do seu mesmo nome que está situada na cidade italiana de Terni.
——————————————————————————————
Que mellor cun abrazo para demostrar sentimentos como amor e amizade?
Varios colectivos en todo o mundo tratan de favorecer o contacto humano a través dun abrazo. En España, Joan Planas súmase a esta inciativa e crea unha web. Xustifica a súa finalidade con estas palabras: “Desexo que esta web axude a dar a coñecer e facer realide esta marabillosa actitude para unir a todas as persoas que comparten o mesmo fin: abrazar para mellorar o mundo, porque un simple abrazo motiva o corazón e fai feliz a quen o recibe“.
Se queres saber máis: www.abrazosgratis.org
——————————————————————————————
CITAS
-
“As pulseiras de metal roxen si son dúas”. Proverbio africano.
-
“O amor xamais reclama; da sempre. O amor tolera, xamais se irrita, nunca se vinga”. Mahadma Gandhi.
-
“A folla, cando ama, transfórmase en flor; a flor, cando ama, convértese en froito”. Rabindranath Tagore.
-
“A medida do amor é amar sen medida”. San Agustín.
-
“Amar é o principio, amar é a forza, amar é o método”. Pablo VI.
-
“Quéreme cando menos o mereza, que será cando máis o necesite” . Robert L. Stevenson.
-
“É mellor ter amado e perdido, que non ter amado”. Tennyson.
-
“Na medida en que o sufrimento dos nenos está permitido, non existe amor verdadeiro neste mundo”. Isadora Duncan.
-
“Non creo na vida do que non ama nin na morte do amado”. Juan José Arreola.
-
“Non pode ser bo aquel que nunca amou”. Cervantes.
-
“Non hai cura para o amor, pero o amor é a cura de todos os males”. Leonard Cohen.
-
“A raíz de todas as paixóns é o amor. Del nace a tristeza, o gozo, a alegría e a desesperación”. Lope de Vega.
-
“Poñede atención: un corazón solitario non é un corazón”. Antonio Machado.
—————————————————————————————–
O amor é un sentimento que non sempre garda relación co sexo. Mais, chegado o caso, convén que esteas preparad@ para previr enfermidades de transmisión sexual e embarazos non desexados. Na páxina web do MINISTERIO DE EDUCACIÓN E CIENCIA (MEC) podes atopar numerosos enlaces para informarte sobre o tema:
——————————————————————————————
París é a cidade do amor.¨ De seguro que os alumnos de 4º de eso quedaredes prendados dela cando a visitedes na excursión de fin de curso.
——————————————————————————————
DE QUE PARQUE NACIONAL SE TRATA?
——————————————————————————————
Un exemplo de amor á vida e a humanidade: RITA LEVI-MONTALCINI.[kml_flashembed movie="http://static.slideshare.net/swf/ssplayer2.swf?doc=ritalevi-montalcini-1203200824811563-5" width="425" height="355"/]
BiblioXograr 
