II RECITAL POÉTICO VISUAL

O xoves  30 de abril , como estaba anunciado,  o XOGRAR celebrou o “Día do Libro”. A proxección dos  traballos  audiovisuais realizados polos alumnos  foi  seguido  do II RECITAL POÉTICO-VISUAL que  un ano máis,  e a pesar  dalgunhas dificuldades técnicas,  permitiron saborear  o  bo facer  dos  alumnos  do centro  que  mostraron  como a  poesía  pode  servir  para  estimular  a  creatividade  e   permitir  un  disfrute  multisensorial da  mesma. Vellos textos   revitalizados  por bandas  sonoras actuais e  coreografías   atrevidas  ilustraron  o  recital. As  cualidades  artísticas  do  alumnado quedaron  patentes  e  despertaron  o  aplauso  de  toda a   comunidade. Na actuación  tamén  houbo  espacio para  a  sorpresa coa  que   algún  profesor  quixo  animar  ao alumnado  para  futuras  colaboracións.

Dende   a  Biblioteca  queremos  dar  as  gracias  a  todos  os   alumnos  que  participaron e  a  todos  os  profesores   que  convertiron  a  celebración  nunha  actividade  multidisciplinar, posible  gracias  a  colaboración de  diferentes   departamentos.

Podedes ver algúns dos traballos audiovisuais realizados polo alumnado:

AVENTURA DE LOS MOLINOS DE VIENTO

(Pablo Cachafeiro, Joel Cortado, Iñaki Fernández)

VIVAMOS COMO LECTORES

(LAURA LÓPEZ PEREIRO)

TIPOS DE LECTORES

(EVA MELLE)

 

DÍA INTERNACIONAL DEL LIBRO 2015

(Fernando Flores, Imanol Corredoira)

PROGRAMA DIA DO LIBRO

MÁIS COUSAS NESTE MES DE OUTUBRO

Dunha banda unha mini exposición para lembrar a Patrick Modiano, o novelista francés, que ven ser galardoado co Nobel de Literatura 2014. E tamén a Antonio Hernández, outro escritor laureado, desta volta a nivel estatal, co premio Nacional de Poesía 2014.

PATRICK MONDIANO

ANTONIO HERNÁNDEZ

Proseguimos coa actividade iniciada o curso pasado en torno a un libro cada mes. Neste curso 2014-2015 imos centrala en disciplinas que non sexan lingüísticas e imos implicar nelas a diversos profes (lembramos que ano pasado foi persoal docente e non docente quen aportou a valoración mensual dun libro que lle gustou en concreto). A carón de portería xa hai un taboleiro de cortiza onde está exposto o comentario sobre un particular libro de filosofía. Desta volta ” 1 mes, outubro, ….1 libro de….filosofía”. ¿Será algo de Platón, de Sócrates, de Nietzsche, de Sartre?

CELEBRACIÓN DO DÍA DO LIBRO

O venres 25 de abril, no salón de actos do noso instituto, levouse a cabo a celebración do Día do Libro. Este ano ademais da exposición dos murais, carteis e manualidades realizadas polos alumnos e que xa vén sendo unha tradición do Xograr, proxectáronse tres traballos audiovisuais realizados por diferentes alumnos de bacharelato. Despois asistimos a un Recital Poético Visual no que participaron alumnos de ESO e de Bacharelato e que foi dirixido polos Departamentos de Educación Física, Lingua e Literatura Galega e Lingua e Literatura Castelá.

Podedes ver o Programa e un vídeo do acto de celebración.

PROGRAMA

 

Moitas grazas a todos pola vosa participación!