Un total de 66 alumnos do IES Xograr Afonso Gómez, que cursan estudos de 3º e 4º da ESO, así como de 1º de Bacharelato, tomaron parte nunha actividade con obxetivo lingüístico no Camiño Francés a Compostela, ao seu paso por Sarria, proposta polo departamento de Francés, e que se desenvolveu o 6 de maio do presente ano.
A primeira parte da actividade consistía en reunirse con persoas que viven e traballan en Sarria, que por razóns de variada índole – familiar, traballo, emigración, sociais, culturais, etc. –aprenderon a lingua francesa nun momento determinado e a empregan nas súas cotiás ocupacións laborais. Tomar algo con iles ao tempo que falaban nesta lingua estranxeira que os rapaces e rapazas estudan no citado centro escolar. Para ilo contouse coa colaboración de Bar Camiño Francés, Restaurante Mesón Tapas, Hotel Alfonso IX, Albergue Monasterio La Magdalena, Hotel Vila de Sarria, Oficina de Turismo de Sarria, Paul de Samos, Albergue Internacional, J.Delbeau Productos Innovadores, Supermercado O Chanto Covirán e Café Travesía dos Soños, que se prestaron a axudar amablemente nesta tarefa con finalidade pedagóxica.
A segunda parte desta actividade lingüística consistía en buscar peregrinos francófonos en diversos puntos da ruta xacobea ó seu paso por Sarria, dende a entrada do camiño por Vigo de Sarria ata as proximidades de Ponte Áspera, incluíndo ademais lugares frecuentados polas persoas que fan este itinerario, como son as estacións de bus e tren, as tendas de alimentacións, os albergues, o exterior do centro médico, a oficina de turismo, eta. O obxectivo que se pretendía era charlar con eles en francés, saber cousas dos aspectos da súa viaxe, das vivencias no camiño, aspectos que os estudantes podían recoller en papel e lapis ou ben usando ás novas tecnoloxías, dígase cámaras dixitais de imaxe ou vídeo, gravadoras de son, teléfonos móbiles, MP3 ou MP4, tabletas, etc.
Un cuestionario gramatical, baseado en diversos monumentos de Sarria, así como un posterior traballo en casa, baseado no vocabulario da vestimenta do peregrino, compuxeron a terceira parte desta actividade realizada nunhas datas do ano na Sarria énchese de peregrinos que camiñan a Santiago, sendo bo parte deles de nacionalidades foráneas. Un día adverso climatoloxicamente falando non amilanou aos estudantes que fixeron todo o posible por practicar o aprendido nas aulas.
Un total de seis alumnos de 3º ESO e 1º Bac resultaron seleccionados no noso centro para participar no concurso de posters sobre personaxes francófonos organizado pola Asociación de Profesores de Francés de Galicia. Os alumnos seleccionado no Xograr foron Manuel Corujo, Laura López Pereiro e Brandan Corredoira, pertencentes a 3º ESO, así como Alba Díaz, Miriam Balboa e Lucía Méndez, de 1º de Bacharelato. Os seus posters versaban sobre personaxes tan dispares como Obélix, Jules Verne, Astérix, Hugo Cabret ou Antoine Griezmann.
Desta volta o alumnado tiña que preparar un poster en tamaño A3 sobre unha rexión de Francia, elexida libremente, mezclando textos en lingua francesa con dibuxos, fotos, recortes, etc. No noso instituto participaron numerosos alumnos de 1º, 2º e 4º ESO, que elaboraron notables traballos. As normas do concurso, que ten diversos premios pedagóxicos, non permitían mandar máis de 3 posters por centro escolar, resultando seleccionados os citados alumnos. Adrián No fixo un sobre a rexión de Alsace, Brandan Corredoira sobre Rhône-Alpes e Alba Díaz sobre Île de France.
BiblioXograr 