O venres 29 de abril celebramos o Día do Libro cun espectáculo que levaba por título “Clásicos de sempre”.
Aquí vos deixamos o programa, un vídeo no que se recollen os momentos máis significativos e cinco traballos audiovisuais que co gallo deste día elaboraron algúns alumnos de 4ESO e 2ºBAC, dos que debemos salientar a súa orixinalidade .
Podedes ver algúns dos traballos audiovisuais realizados polo alumnado:
(Pablo Cachafeiro, Joel Cortado, Iñaki Fernández)
(LAURA LÓPEZ PEREIRO)
(EVA MELLE)
(Fernando Flores, Imanol Corredoira)
“Ler é medrar”
“A RAE recomenda: ler prexudica a iñorancia”
“Entre libros, está ben visto ser gordos”
Como todos os anos, o corredor da Biblio do Xograr énchese de primavera libresca onde os lemas creados para animar a ler e reivindicar a importancia do libro, volven facerse novos pola orixinalidade coa que se plasman en manualidades, carteis , murais e tamén audiovisuais. Os traballos presentados polos alumnos lémbrannos que a capacidade creativa coa que traballamos só precisa ser estimulada un chisco para manifestarse. Cada ano fanse novos vellos lemas que aínda que xa son coñecidos de todos , permiten a reflexión sobre a raigame libresca da nosa cultura. Ademáis , neses traballos pódense apreciar as tendencias e preferencias lectoras do noso alumnado que está moi enganchado coas sagas de ficción máis recentes pero que segue mostrando unha gran admiración por aqueles libros que os conectaron co universo da ficción. O material audiovisual elaborado para a ocasión será feito público o vindeiro 30 de abril, data elexida para conmemorar o “Día do Libro”. Nesa celebración a proxección dos traballos elaborados polos alumnos irá seguida do II Recital Poético-Visual que agardamos teña tanto éxito como o do ano pasado.
O venres 25 de abril, no salón de actos do noso instituto, levouse a cabo a celebración do Día do Libro. Este ano ademais da exposición dos murais, carteis e manualidades realizadas polos alumnos e que xa vén sendo unha tradición do Xograr, proxectáronse tres traballos audiovisuais realizados por diferentes alumnos de bacharelato. Despois asistimos a un Recital Poético Visual no que participaron alumnos de ESO e de Bacharelato e que foi dirixido polos Departamentos de Educación Física, Lingua e Literatura Galega e Lingua e Literatura Castelá.
Podedes ver o Programa e un vídeo do acto de celebración.
estes excelentes traballos audiovisuais realizados por alumnos de bacharelato para conmemorar o Día do Libro.
Como é tradición, hoxe 23 de abril conmemoramos o Día do Libro cunha exposición no corredor, dos murais, composicións , carteis, lemas, etc, realizados polo alumnado do noso centro. Aquí vos deixamos as imaxes dalgúns dos traballos.
MOITAS GRAZAS A TODOS E TODAS POLA VOSA PARTICIPACIÓN!!
Como vén sendo tradición , o IES XOGRAR AFONSO GÓMEZ de Sarria celebra o Día do Libro (23 de abril) coa inauguración da exposición de carteis e manualidades e a proxección de dúas cortometraxe: ”Los escritores justicieros” e “Adicción fatal” elaborados polos alumnos do centro. Esta exposición poderá ser visitada ó longo de todo o mes de abril no horario de recreo do centro (11:15 a 11:45). Na entrada do mesmo e coincidindo coa “Semana do Cómic” o centro alberga unha mostra antolóxica para todas as idades, en linguas tan dispares como galego, castelán, francés e inglés, que pretende revitalizar o consumo deste xénero clásico entre toda a comunidade educativa .
Co gallo do día do libro, que como todos sabedes, celébrase o 23 de abril, a nosa biblioteca e os seus pasillos colindantes acollen unha magnífica e completísima exposición de traballos relacionados co libro e con esta efeméride. En breve subiremos fotos dalgúns destes traballos ó noso blog, pero de momento invitámosvos a visitala tranquilamente.
BiblioXograr 