Chega o Nadal ao Xograr

Hoxe rematamos o timestre cun montón de actividades:

Foron entregadas a Cáritas Sarria as caixas cos alimentos recollidos na actividade Cultura e Alimentos promovida polo departamento de Relixión. En breve vos contaremos as suxestións de lecturas que nos fixeron tódolos participantes.

Entrega a Cáritas Sarria

Algúns alumnos colaboradores

No salón de actos  proxectouse a curta realizada polo alumnado do Xograr para o Congreso de Enciga que se celebrou no noso centro o pasado mes de novembro. Despois, alumnos e alumnas de primeiro de bacharelato, dirixidos pola profesora Ana Belén Durán, representaron a obra de teatro Ciencia e Poesía e para rematar, un grupo de profesores e alumnos entoaron unha panxoliña.

Tamén se realizaron actividades deportivas e o clásico concurso de beléns.  Deixamos algunhas fotos do bo facer do noso alumnado. 

A biblioteca do Xograr vos desexa un FELIZ NADAL!!!

Alimentos e cultura unidos da man no Xograr

Un ano máis promovido polo departamento de Relixión, iniciamos unha campaña de recollida de alimentos destinada a Cáritas Sarria. Todos aqueles que queiran participar deberán traer alimentos non perecedeiros e deixalos nunhas caixas que temos preparadas para tal fin na biblioteca.

Ademáis  a túa aportación ten que vir acompañada dunha pequena recomendación sobre un libro, unha canción, un tebeo, unha película, etc que che guste, cubrindo unha ficha que aportará o profesor de relixión, e que tamén tedes á vosa disposición na biblioteca ou podedes descargar aquí.

 

Cultura e alimentos no IES Xograr de Sarria

 Por terceiro curso consecutivo o IES Xograr de Sarria levou  a cabo unha actividade pensada nas persoas necesitadas.  Para iso, e contando coa participación de todos os membros  da comunidade educativa (alumnos, profesores, persoal non  docente, etc) , o departamento de Relixión, en colaboración  coa biblioteca, puxo en marcha a campaña “No Xograr  compartimos cultura e alimentos”. Cada participante  aportaba un comentario dun libro, tebeo, película, álbum  musical, etc. xunto con alimentos non perecedeiros.  Posteriormente membros de Cáritas Sarria pasaron polo centro escolar para facerse cargo da recollida nesta actividade de corte solidario-cultural.

Propostas da campaña: No Xograr a cultura da de comer

A campaña  “NO IES XOGRAR A  CULTURA … DA DE COMER” foi  de  novo  un éxito, un  exercicio de  solidariedade  que  ,ademáis, nos  deixou  esta  chea  de  propostas  que  facemos  públicas: 

Fai click se queres velo mellor:

CULTURA E ALIMENTOS

Xa estamos na recta final desta campaña que busca dispor das vosas suxerencias ( libros, tebeos, música, películas) e contar coa vosa solidaridade, aportando alimentos para os máis necesitados nestas datas tan sinalandas. Na biblioteca tedes unha furna para depositar a vosa suxerencia e a vosa aportación.

Grazas por colaborar

“NO IES XOGRAR A CULTURA DA…..DE COMER”

A IDEA É TRAER  ALIMENTOS NON PERECEDEROS ( GARBANZOS, ACEITE, SOPA, PASTA, ETC) DESTINADOS A CÁRITAS SARRIA NO PRÓXIMO TEMPO DE NADAL ONDE AS CARENCIAS VENSE MÁIS.   ESA APORTACIÓN QUE FAGA CADA UN DEBE VIR ACOMPAÑADA DUN PEQUEÑO COMENTARIO SOBRE UN LIBRO, ALBUM DE MÚSICA, TEBEO, PELÍCULA, ETC QUE MÁIS OS GUSTARA. DESTE XEITO INTENTASE RECOLLER POSIBEIS SUXERENCIAS DE COMPRA TANTO PARA ADULTOS COMO PARA NENOS.

 

COMO FACER?

•        NA BIBLIOTECA HABERÁ UN ESPAZO ONDE ATOPAREDES UNHA PEQUENA FICHA PARA CUBRIR COAS IMPRESIÓNS SOBRE ESE LIBRO, ALBUM DE MÚSICA, TEBEO, PELÍCULA, ETC

•       DITA FICHA E O QUE BOAMENTE APORTEDES DEBERÁ SER DEIXADO NA PROPIA BIBLIOTECA  NUNHA CAIXAS PRERADAS PARA TAL FIN

  BUSCAMOS A IMPLICACIÓN DE TODA A COMUNIDADE ESCOLAR (PROFESORADO, ALUMNADO, PERSOAL NON DOCENTE, INCLUSO PAIS E NAIS) NESTA ÉPOCA DO ANO TAN ESPECIAL.