Lembrade o relaxante e interesante que resulta ler poesía e estade pendentes das actividades que se realicen no instituto.
Categoría: ACTIVIDADES 13-14
21 de Marzo: Día Mundial da Poesía
Cada ano, o 21 de marzo, a UNESCO celebra o Día Mundial da Poesía. O principal obxectivo desta acción é soster a diversidade dos idiomas a través da expresión poética e dar aos que están ameazados a posibilidade de expresarse nas súas comunidades respectivas. Por outra banda, este Día ten por obxecto apoiar a poesía, a volta á tradición oral dos recitais de poesía, promover o ensino da poesía, o restablecemento do diálogo entre a poesía coas demais manifestacións artísticas, como o teatro, a danza, a música, a pintura e así sucesivamente, o apoio aos pequenos editores e crear unha imaxe atractiva da poesía nos medios de comunicación .
Os alumnos de 1º de bacharelato, dirixidos polo profesor Ramón Noche, teñen a amabilidade de compartir connosco estes excelentes ANACOS DE POEMAS VISUALIZADOS. Desexamos que vos gusten tanto como a nós.
Úneste?
Desde hai uns días nos taboleiros dos corredores e as aulas podemos contemplar uns carteis que nos preguntan
“Úneste?”.
Alguén sabe de que se trata?
Un libro, un fragmento, un mes…..
Como todos os meses, no corredor próximo á biblioteca atópase o libro proposto para marzo.Trátase dunha autobiografía. De quen?
Deixámosvos unha pista:
“Dediquei toda a miña vida á loita do pobo africano. Combatín a dominación branca e combatín a dominación negra. Acariñei o ideal dunha sociedade democrática e libre, na que todas as persoas convivan xuntas en harmonía e con igualdade de oportunidades. É un ideal polo que espero vivir e que aspiro a alcanzar. Pero, se é necesario, é un ideal polo que estou disposto a morrer”.
SEMANA DA PRENSA
CLUB LECTOR DO XOGRAR
Xa temos na biblioteca exemplares da novela escollida para a egunda sesión do Club de Lectura. Nesta ocasión leremos “SUAD”
ANÍMATE A PARTICIPAR!
Aquí tedes o novo folleto actualizado da biblioteca. Que vos guste!!!
CLUB DE LECTURA “O XOGRAR LECTOR” VARIANTE ON LINE – ADULTOS
Dende o ano pasado está en marcha unha sección de adultos do club de lectura do IES Xograr Afonso Gómez de Sarria “O Xograr Lector”. Desta volta queremos ampliar a nosa oferta literaria para abordar máis temas e chegar a máis lectores.
Este ano plantexamos dúas propostas ben distintas;
-Unha lectura pensada para ser compartida entre país/nais/fillos/profesores, con finalidade reflexiva e sensibilizadora sobre temas educacionais e relacionais (en este caso o acoso escolar). O libro escollido foi Sin vuelta atrás do escritor Jordi Sierra i Fabra.
-Unha serie de obras sobre distintas temáticas co único obxectivo de disfrutar do pracer de lectura:
LECTURAS RECOMENDADAS-Club Lector Adultos IES Xograr
A nosa biblioteca conta con varios exemplares que poden ser levados en préstamo polos interesados en participar nesta actividade.
As actividades da sección de adultos non son presenciais e consisten fundamentalmente na lectura individual do libro seleccionado e no posterior intercambio de impresións sobre esa lectura. Para aportar esas reflexións de cada un dos lectores hai tres vías:
- Facer chegar os comentarios á biblioteca do Xograr (portería, buzón de suxerencias da biblioteca, correo postal, etc)
- Vía online no propio blog da biblioteca (https://biblioxograr.wordpress.com/) facendo un comentario ao final deste artigo. (Deixar un comentario)
- Vía escrita, facéndonos chegar os comentarios ou a proposta de novas lecturas.
Dende a biblioteca do Xograr animámosvos a participar. Non é necesario pertencer á comunidade educativa do noso instituto para ler o libro e aportar reflexións. Tamén recibiremos gustosos as propostas de novas actividades literarias. Grazas anticipadas.
Disfruta da lectura dun dos libros propostos e aporta a túa reflexión. Grazas por participar
MÁIS NOVIDADES DE CINE
Ademais de todas as novidades en libros que estes días están a chegar, tamén temos novas películas que como sempre podedes levar prestadas pedíndoas no tempo do recreo.
HAI MOITO AMOR NA NOSA BIBLIOTECA……
Co lema “Palabras que namoran” , dende a Biblioteca queremos darvos a coñecer algúns dos poemas máis emotivos e suxerentes que se atopan agochados nos libros de poesía. Pero non só a poesía é capaz de absorvernos, por iso seguimos coa nosa campaña de “Namórate da lectura”, ofrecendo diferentes propostas que nos permitan amar tamén as matemáticas, as ciencias, as linguas…
E aproveitando o gancho mediático que o 14 de febreiro ten na nosa sociedade de consumo, dende a biblioteca queremos non só promocionar a lectura de diversos textos senón que nos gustaría propoñémosvos traballar a nosa intelixencia emocional , tan fundamental na nosa vida e tan desatendida no contexto educativo. Estar ben, sentirse apreciado, recoñecido polos que nos arrodean é o que fai que o día sexa fantástico, que aínda que non saia, vexamos o sol e que, cando remata, nos deitemos coa sensación de que valeu a pena disfrutar del. Daquela, ao longo desta quincena convidámosvos a que dedes renda solta aos vosos sentimentos. e nos axudedes a confeccionar un mural no que plasmemos todo ese magma afectivo que levamos dentro: unha poesía , unha postal, unha canción….Todo ten cabida sempre que teña que ver cunha vivencia positiva. Aínda que ás calamidades sempre estamos prestos a atendelas , compartilas e consolalas , non hai necesidade de agochar as vivencias satisfactorias que renovan en cadaquén a nosa ilusión pola vida.
BiblioXograr 