Arquivos mensuais: Xaneiro 2021

Préstamos e catalogación

Seguimos no que acontece aos números da nosa biblioteca. Desta volta, en xaneiro, un mes que tivo dezaseis días lectivos a catalogación e o préstamo segue amosando moi bos resultados. Os números os tedes na foto que xúntase a este post. A seguir así!!!

Deixar un comentario

Arquivado en CURSO 2020-2021

Club Lector ” O Xograr Lector”

Clubes lectores en marcha No presente exercicio 2020-2021. Estase a traballar na selección de obras para o Xograr Lector, que desta volta será de forma telemática, COVID19 obriga. En breve vos iremos informando. De momento o que xa está dispoñible na sala de profesores é unha urna para as suxestións lectores do apartado Adultos-ON Line, co gallo de acadar un catálogo de fondos moi plural. Xa sabedes profesores, profesoras, persoal de servizos, pais, nais, a aportar títulos!!!

Deixar un comentario

Arquivado en CURSO 2020-2021

Febreiro xa ten…

…o seu cadro, esa sección que repartida entre docentes, alumnado e persoal non docente pretende amosarnos pinturas que son ben significativas. Desta volta analizamos a achega do orientador do centro, Jose Regueiro. Preme no pdf e poderás descubrir cantas cousas poden transmitir un pincel e unha tela.

Cadro do mes-febreiro

Deixar un comentario

Arquivado en CURSO 2020-2021

Biblioteca histórica do Xograr

…que vai tomando forma, aos poucos. Coordinada pola profesora Lola Chaos, do departamento de Lingua Galega, xa ten o seu espazo creado e en breve recibirá a pertinente decoración. Será un lugar onde iranse amosando fondos de carácter histórico ou de alto valor patrimonial en lingua galega. Toda unha serie de documentos en papel que forman parte do noso centro escolar.

Deixar un comentario

Arquivado en CURSO 2020-2021

Nova biblioteca inclusiva e de igualdade

Con fondos xa existentes, así como as achegas mercadas cos cartos do Plan de Igualdade e de Biblioteca Inclusiva, a nosa biblioteca dispón xa dunha completa “ Biblioteca Inclusiva e de Igualdade”. Debidamente situada – ocupa dúas vitrinas –  e rotulada, dispón de libros, manuais, material multimedia, identificados todos cun adhesivo de cor verde. Está dividida nos seguintes apartados, dentro dos cales atópanse os fondos ordenados alfabeticamente por autor/autora (as tres primeiras letras do seu primeiro apelido en maiúscula no medio da etiqueta adhesiva)

  • Animación á lectura
  • Comunicación
  • Dicionarios
  • Guías varias
  • Igualdade
  • Intelixencia Emocional
  • Lecturas Infantil e Primaria ( Castelá e Galego)
  • Lecturas Secundaria (Castelá e Galego)
  • Material variado para titorías
  • Xogos

Todo este completo material – grazas a todos e todas os que achegaron suxestións transformadas posteriormente en compras, así como ao laborioso traballo da profesora Sol Rodríguez, do equipo de biblioteca, catalogando e ordenando– está a disposición de todo o profesorado, alumnado, familias, etc. Hai fondos moi diversos que poden valer para accións moi variadas (reforzo, obradoiros, apoio, lecturas colectivas ou individuais, titorías, disciplinas diversas, etc. ). Non dubidedes en consultar na biblioteca os andeis correspondentes e levar prestado, tanto para uso na clase como na casa, este completo material.

Deixar un comentario

Arquivado en CURSO 2020-2021

Tempos máis dixitais

…aos que nos achegamos con máis intensidade e rapidez. Polos cambios que se dan na sociedade e polas circunstancias que nos toca vivir. Deste xeito, os nosos libros electrónicos ( tanto do proxecto Elbe como do Elbe2) están sendo solicitados polo noso alumnado. Dende a biblioteca decidiuse cambiar a súa ubicación, pasando agora xusto a carón da porta de entrada. Así, búscase que esta nova situación  sexa máis operativa tanto no momento do préstamo como no da devolución.

Deixar un comentario

Arquivado en CURSO 2020-2021

Inglés…ready…

…porque os fondos que compoñen esta disciplina xa están debidamente recolocados. Gran traballo da profesora Ana Cedrón, que permite ter gramáticas, libros de civilización, lecturas graduadas, outros correctamente clasificados e ordenados.

 

Deixar un comentario

Arquivado en CURSO 2020-2021

Relixión, Latín e Grego

Novo emprazamento paras os fondos destas tres disciplinas. Así, os libros de Latín, Grego e Relixión xa teñen un espazo “ ad hoc” debidamente habilitado e sinalizado, sendo deste xeito máis operativa a localización de dito material.

Deixar un comentario

Arquivado en CURSO 2020-2021

Premio pola decoración do Nadal 2020

Parabén para todas as persoas que colaboraron na realización da decoración de Nadal. O Concello de Sarria  concedeu ao noso centro escolar o segundo premio da categoría “ Colectiva Exterior”. Un merecido galardón para un traballo moi relacionado cos tempos tan especiais que estamos a vivir.

Deixar un comentario

Arquivado en CURSO 2020-2021

Gran traballo…

coma sempre, do profesor Xosé Lois Gutiérrez Faílde, que tamén forma parte do equipo de biblioteca. Desta volta mesturando titoría, escritura, lectura, empatía e moitas cousas máis que veñen resumidas no enlace seguinte. Parabéns a Lois e ao seu alumnado de 1º Bac pola iniciativa, moi necesaria nos tempos que corren.

https://www.elprogreso.es/articulo/sarria/carta-navidad/202101031220361478687.html?fbclid=IwAR1OnBtCkLRuB-QmsUOaZf-FT5l7vL_izZ_qQJbRw9QEoW3ZoCcXeK3ryG8

Deixar un comentario

Arquivado en CURSO 2020-2021