Parabéns!!!

 

Dende a biblioteca sumámonos á ledicia polo “1º Premio Boas Prácticas de Educación Inclusiva” recibido polo noso centro. É o recoñecemento ao bo traballo realizado durante o pasado curso escolar 2019/2020 e que continúa durante o presente período académico. Parabéns, pois, a todos/as os/as impulsores/as das distintas actividades que se fixeron merecentes desta distinción.

http://www.edu.xunta.gal/portal/node/32817?fbclid=IwAR2qX_PIj69FjMUH0BWpm1T5Wp87dAxxiwzwILuHknemd1ilmhgH24qGHoo

https://www.elprogreso.es/articulo/sarria/ies-xograr-afonso-gomez-gana-premio-boas-practicas-inclusion/202012231245171477122.html?fbclid=IwAR1osda2CFe9f8miWWeJob2tEOj_BG0QKAbUdqlbqqGX_Ls_eUUIJtkkwmw

Felicitación interdisciplinar

A Biblioteca e os departamentos de Plástica, Lingua Galega,  Relixión e Lingua Castelá realizaron este singular mensaxe para desexarvos un Nadal de paz e saúde, cheíño de apertas virtuais , xa que polas outras aínda teremos que agardar.

Os números do trimestre e de decembro

En materia de fondos catalogados ( libros, dvds) así como os préstamos realizados ( non se inclúen os préstamos de libros electrónicos).

Consideramos que os rexistros acadados son bos. Hai que mantelos e se pode ser subilos nos dous trimestres que quedan.

Grazas  a todos por considerar a lectura como algo importante nas vosas vidas.

Moita e feliz lectura

Lembra que no tempo de Nadal,  e máis este ano, podes desenvolver ocupacións moi diversas. Unha delas é a lectura, tanto en soporte papel, como en formatos dixitais ( libros electrónicos, Biblioteca Galicia Le).

Dende a biblioteca do Xograr queremos desexarvos unhas moi Felices Festas e un Próspero Aninovo. Que o 2021 sexa o mellor posible. E non esquezas ler. É moi útil

Un feixe de cousas

.

…nos derradeiros días de curso neste primeiro trimestre. Accións moi diversas, interdisciplinares, de colaboración de diversos departamentos e onde a biblioteca tamén xogou o seu rol. Lendas e monecos que nos lembran os abrazos do pasado, cousas que agora non podemos facer, pero que no futuro ogallá que si. Bailes moi do Nadal, con distancias e mascarillas. Videoconferencias de temáticas, postal de nadal usando as novas tecnoloxías, vídeos creativos de alumnado diverso. Un resumo neste texto, acompañado das ilustrativas imaxes.

 

 

Refráns

..e máis cousas no taboleiro de Normalización Lingüística, que coordina a docente María Xosé López Castro. Cada mes achegas interesantes e diferentes que precisan dun pequeno alto para velas con calma. Grazas pola colaboración!!!

Recortes

 

..de papel, de prensa escrita, da de sempre, que loita por manterse en pe. De informacións que non teñen nada que ver con libros, lectura, educación. Doutros contidos que tamén requiren a súa atención e lectura. Forman parte dun novo espazo definido na esquina do taboleiro de cortiza que está xunto á porta de saída da biblioteca. De momento, experimentando….

Infobiblio

O número 15 do noso boletín, correspondente ao mes de decembro 2020.

Infobiblio15

 

Nova sección, de fábula

Nova sección…de fábula

Si, porque céntrase nesas historias cun fin moralista que protagonizan moitas veces animais pero que tanto din de feitos moi humanos. Arrincamos cunha ben coñecida, que non perde un ápice do seu valor, máis nos tempos que actualmente corren. Achega do Departamento de Lingua Castelá, desta volta preparada por un alumno de 1º ESO.

Moita historia…

 

…hai nos libros de Ciencias Sociais, que temos na nosa biblioteca. Dende un par de cursos estamos actualizando, expurgando, catalogando, recolocando. Fixemos xa os de Arte e neste trimestre quedou listo o apartado de Historia propiamente dito. Gran traballo da profesora Paula González Pavón. Seguiremos avanzando…con Xeografía, Galicia, etc.