O luns 23 arrincamos co proxecto, “A hora de Ler”, encamiñado a mellorar a competencia lectora. Un tempo adicado á lectura individual en todos os cursos e grupos da ESO. Cada semana ocuparase unha hora, rotando de 1ª a 6ª, para esta actividade tan necesaria no proceso formativo de cada estudante.
Tal e como informaron os/as titores/as, cada alumno/a deberá traer da casa un libro para ler nesa hora, o mesmo que fará o/a profesor/a. Existirá un repositorio de libros da biblioteca na conserxería do Edificio 1, por se algún/ha rapaz/a esqueceu o seu libro, e que levaría en préstamo cubrindo unha ficha. Nese caso, debera devolvelo na biblioteca durante o tempo de lecer nun prazo máximo de 15 días, que podería renovar se fora preciso. De todos os xeitos, o máis lóxico e funcional é que cada alumno/a traia da súa casa un libro que lle guste ou estea a ler, para así continuar a súa lectura na clase, ou solicitar o seu préstamo na biblioteca con anterioridade.
Lembrade, pois, que o luns 23 á 1ª hora (08h40-9h30), en todas as clases, de 1º a 4º da ESO, é HORA DE LER!
BiblioXograr 