Moita “marcha” na segunda sesión do Club Lector

Avanza o segundo trimestre e nel desenvolveuse a segunda sesión do Club Lector “O Xograr Lector”. Despois da exitosa primeira, coa presenza da escritora coruñesa Andrea Maceiras, xiro importante de conceptos e enfoque nesta celebrada a finais de febreiro.

Para isto contamos coa axuda da asociación noiesa “ Vella Escola”, que nos presentáron un menú moi interesante. Da mans dos seus monitores Pablo e Esteban “Risk” descubrimos moitas cousas sobre estilos musicais con moita poesía como son o “Hip-Hop” e o “Rap”.

Primeiro foi tempo de descubrir a historia destes movementos, como naceron, en que se fundaron, quenes foron ou son os seus principais músicos. Despois chegou o tempo de “rapear” poemas diversos, algúns tradicionais, outros más innovadores. E finalmente, entre os profesores e alumnos presentes – éstes últimos de ESO e Bacharelato – crear un singular “rap”, cuxa letra xira arredor do noso Club Lector. Tarde pois moi “marchosa” que nos permitiu ver a cara poética dos citados movementos musicais con moito arraigo urbán.

UN MES (FEBREIRO) E UN LIBRO DE….

EDUCACIÓN FÍSICA.

“A saúde dun país non se mide polo número de medallas olímpicas, senón polo número de persoas que practican deporte de forma regular, independentemente da idade que teñan.”

A suxerencia do mes pasado foi:

Segunda sesión do Club Lector.

Xa queda un pouco lonxe o mes de novembro, cando da man da escritora coruñesa Andrea Maceiras desenvolvimos a primeira sesión do noso club lector “O Xograr Lector”, do curso actual. Metidos xa no segundo trimestre, chama á porta a segunda, que será moi especial.
¿Por qué? Pois porque imos falar da creación literaria a través de la poesía e o rap. Para ilo contaremos coa axuda da Asociación “Vella Escola”, da coruñesa vila marineira de Noia, no corazón do Barbanza. Seguro que imos aprender moitas e novedosas cousas, por eso queremos que haxa cantos máis participantes mellor.
Lembra entón que a cita é o vindeiro mércores 25 e febreiro, a partires das 15h30, no lugar de costume, é dicir a nosa biblioteca. A actividade promete!!!

Club Lector Adultos – On Line

Como ven sabedes dispoñemos dunha variante do Club Lector, pensado para adultos e en versión non presencial, é dicir “On-Line”. Estamos traballando para que participen canto máis membros da comunidade escolar que reunan ditos requisitos, é dicir profesores e profesoras, persoal non docente, pais e nais.

Para iso elaboramos unha completa lista de títulos, en galego e castelán, que xa están á disposición dos interesados, tanto na zona adicada aos libros do Club Lector na biblioteca, como nun segundo espazo adaptado “ad hoc” na propia sala de profesores.

Cómo participar? Sinxelamente escollendo un título da citada lista e disfrutando coa súa lectura. Unha vez rematada a mesma, estaría ben animarse a escribir un pequeno comentario sobre dito libro no blog da biblioteca (https://biblioxograr.wordpress.com/). É moi sinxelo, como ben se mostra na imaxe que xuntamos. Anímate!!! Grazas por participar!!!

Podedes ver as suxerencias do club de lectura o -line na nova pestana.

 

MÁIS COUSAS EN FEBREIRO

Avanza o mes máis curto do ano. Nembargantes está sendo un mes moi rendible no que atinxe ás actividades e cousas que viñemos facendo na biblioteca. Xa vos contamos noutra entrada todo o relacionado coa semana da Paz, tanto en texto, como en fotos e vídeos, co cal cumpre agora informar doutras actividades.

Continuamos coa nosa serie de libros por mes, o deste mes un texto de moito “ritmo”, do cal xa tedes o comentario no correspondente taboleiro de cortiza a carón da aula de informática. Falando de libros estamos nunha época do ano onde están chegando boa parte dos fondos que mercamos. Deste xeito novidades moi diversas están sendo colocadas nas diversas estanterías do pasillo, para que as podades consultar e se vos interesa levar en préstamo.

Como acontecerá en cursos precedentes, o tempo do recreo está sendo o momento elexido polos amantes dese deporte de tanta concentración chamado xadrez para desenvolver as súas partidas. Un torneo no que participan fundamentalmente alumnos de 2º e 3º ESO, e que ten reservada as mesas que habitualmente utilízanse para xogos didácticos e lectura de revistas.

Seguindo con feitos nos que a biblioteca está impricada, tivemos a honra de acoller a todo o alumnado de 6º de Primaria pertencente aos colexios de Samos, O Incio e Triacastela, así como o CEIP Frei Luis, da nosa vila de Sarria. Nun par de meses empezan o seu periplo pola ESO e quixeron coñecer o IES Xograr. Un das dependencias nas que estiveron un bo rato e onde escoitaron e preguntaron foi a biblioteca, onde coñeceron con detalle todo o que nela poden atopar como estudantes e membros da comunidade escolar.

Febreiro tamén é un mes onde se celebra unha data moi especial. Falamos do 14 de febreiro, que desta volta cae en sábado, e ainda por riba coincide co Antroido. O día dos Namorados supuxo poder ver o esforzo feito polos alumnos do Departamento de Latín, de 1º de Bacharelato, que realizaron un traballo baseado en citas clásicas relacionadas co amor. E tamén a posibilidade de deterse nunha sinxela exposición con libros en galego e castelán, poesía e prosa, todos eles vencellados directamente con dita celebración, que vai moito máis aló ca a difundida actividade comercial.

CONMEMORACIÓN DO DÍA DA PAZ

Como broche a todas as actividades realizadas a semana pasada para conmemorar esta importante data, o venres 29 todos o alumnado de ESO asistiu a unha charla impartida polo xefe do Departamento de Orientación, Evaristo Pardeiro no salón de actos. Deixámosvos a presentación que alí se fixo.