BENVIDOS Á BIBLIO

Un novo curso acaba de arrincar e dende a biblio dámosvos á benvida. Aquí tedes o horario de atención ao alumnado por parte do grupo de profesores que forman parte o equipo

PRÉSTAMOS E DEVOLUCIÓNS

Como sabedes doutros anos os préstamos e devolucións de libros, películas, outros fondos fanse exclusivamente en horario de recreo, é dicir de 11h15 a 11h45 de luns a venres. Grazas por respetalo e facilitar así o traballo dos profesores e profesoras da biblioteca.

 

COLABORACIÓN

Agradécese a todos e todas que cando estedes na biblioteca abrades todas as persianas para que entre luz natural. É unha forma de aforro de enerxía e de evitar un espazo con moita calor pola luz artificial. Igualmente se saides e non queda ninguén apagar as luces si estivesen encendidas. Grazas anticipadas

 

MEDIOS E NORMAS

Na biblioteca tedes a vosa disposición (ordenadores con conexión a internet), xogos de mesa variados e un equipo de música para escoitar baixiño ou con auriculares. Lembramos que para usar os ordenadores ten que ser cando hai profesorado de garda na biblioteca e tedes que cubrir unha folla con certos datos que se piden e que está nunha libreta xunto a eles. O mesmo pasa cos xogos, para xogar con eles ou levalos á clase, hai que cubrir uns datos e tachalos cando se devolve. Para o equipo de música tedes o mesmo sistema e existe un libriño onde indícase o seu funcionamento. GRAZAS POR CUBRIR ESAS FOLLAS E RESPETAR CORRECTAMENTE AS NORMAS

 

VISITAS DE COÑECEMENTO

En breve os alumnos novos no centro  (1º ESO, 1º Bacharelato, 1º PCPI, 1º Ciclo Formativo) serán citados na biblioteca para coñecer as súas instalacións e o funcionamento das mesmas, puidendo posteriormente facer un correcto uso delas.

 

CARNETS

Estase traballando xa na elaboración dos carnets de biblioteca para todo o alumnado, profesorado e persoal non docente novo no centro. En canto estean todos, entregaranse a cada un. Lembrade que o número do carnet ou do DNI é necesario para os préstamos de fondos.

 

CURRUNCHO PRENSA

No vestíbulo do instituto, xunto no curruncho debaixo das escaleiras, está habilitada unha zona para a lectura de xornais, revistas, publicacións cotidiáns. Agradécese que o deixedes ordenado, seguindo as indicacións alí postas.